Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Miliona euro me projekte mjedisore, si i ndante paratë burri i Argitës me miqtë e tij ekspertë

Miliona euro me projekte mjedisore, si i ndante paratë burri i Argitës

Një nga njerëz më të përfolur në projektet mjedisore, është Jamarbër (Abi) Malltezi, burri i Argita Berishës. Gjatë qeverisjes së demokratëve, Malltezi krijoi një rreth ekspertësh, të cilët i antarësoi në Partinë Demokratike dhe me ta nisi menaxhimin e miliona euro projekte mjedisore.

Një nga këto ishte projekti i Bankës Botërore, për Menaxhimin e integruar dhe Pastrimin e Zonës Bregdetare dhe ku drejtohej nga Mallltezi, nën përgjegjësinë direkte të Ministrisë së Punëve Publike, Transportit dhe Telekomunikacionit.

Projekti përfshinte, 11.7 milionë dollarë kredi nga Agjencia Ndërkombëtare për Zhvillim (IDA), 2.23 milionë dollarë nga një grant i qeverisë japoneze, 3.11 milionë dollarë nga një grant i qeverisë hollandeze, 2.6 milionë dollarë nga një grant qeverisë austriake, 0.95 milionë dollarë nga Fondi Global për Mjedisin (GEF), 5.7 milionë dollarë nga qeveria shqiptare 1.26 milionë nga kontribute të komunitetit lokal.

Vlerësimet Mjedisore të projekteve të parashikuara janë bërë nga i njëjti ekspert mjedisi, zoti Sulejman Sulçe, profesori që udhëhoqi studimin e doktoratures të Malltezit dhe krahu i tij i djathtë për ekspertizat mjedisore.

Fotoja e zotit Sulçe ndodhet edhe në profilin e facebook të Abi Malltezit, ku përveç zotit Sulçe është edhe i gjithë stafi i mjedisit në Partinë Demokratike.

Miliona euro me projekte mjedisore, si i ndante paratë burri i Argitës

Ndërkohë, ndjekjen e procedurave të Aplikimit për leje mjedisi në Qendrën Kombëtare të Mjedisit për projektin, Malltezi ja kishte besuar zotit Klodian Gradeci, një emër jo i panjohur për publikun kohët e fundit për aferat e tij korruptive, lidhur me skandalin e tij në një tjetër institucion shtetëror, atë të Agjencisë Kombetare e Burimeve Natyrore.

Një tjetër emër i lakuar në projektet mjedisore, është ai i Romeo Hanxharit, i cili në vitin 2012, ishte pjesë e grupit të punës për Vlerësimin Mjedisor të Planit Rregullues të Tiranës. Ky projekt ishte fituar në konflikt të hapur interesi nga Jamarbër Malltezi, i cili bashkë me grupin e tij të ekspertëve do të vlerësonin planin e Lulzim Bashës.

Kjo është mënyra sesi Abi Malltezi ka penetruar në botën e plehrave dhe të mjedisit. Natyrisht sot që ngre zërin, Abit nuk i prihet barku për mjedisin. Por ai e sheh si një mundësi, që nëpërmjet gruas, të fitojë sërish projekte mjedisore në të ardhmen.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Miliona euro me projekte mjedisore, si i ndante paratë burri i Argitës
Projekt i BB në Sarandë, Vlerësimi në mjedis nga Sulejman Sulçe
Miliona euro me projekte mjedisore, si i ndante paratë burri i Argitës
Projekti i BB, vlerësimin në mjedis e ka kryer Sulejman Sulçe

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore