Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

A rrezikon Shqipëria? "3 shteteve u rrezikohet ekzistenca"/ NATO jep alarmin: Putin dëshiron të "gllabërojë" Ballkanin Perëndimor!

A rrezikon Shqipëria? "3 shteteve u rrezikohet ekzistenca"/ NATO

NATO është zotuar të ndihmojë fqinjët e Rusisë të mbijetojnë si kombe të pavarura, duke thënë se rezultati i luftës është me "rëndësi ekzistenciale" për vende si Moldavia dhe Gjeorgjia. Pas një dite të dytë të bisedimeve midis ministrave të jashtëm të NATO-s, përfaqësuesi i Estonisë Urmas Reinsalu u shpreh se të gjithë aleatët e NATO-s janë të vetëdijshëm se 'bisha' gjithashtu dëshiron të marrë kontrollin e Ballkanit Perëndimor prandaj aleanca duhet të jetë vigjilente dhe t'i ndihmojë. 

“Mesazhi është i qartë. Të gjithë aleatët e NATO-s janë të vetëdijshëm se bisha gjithashtu dëshiron të marrë kontrollin e Ballkanit Perëndimor, dhe ne kemi nevojë, në mënyrë praktike, të japim mbështetje për të ndihmuar këto vende të mbijetojnë", tha ai.

Fokusi i bisedimeve të sotme ishte Bosnja, si dhe ish-republikat sovjetike të Moldavisë dhe Gjeorgjisë, të cilat të dyja kanë rajone separatiste të pushtuara nga trupat ruse. 

"Pika qendrore e gravitetit për këto kombe, për Moldavinë, për Gjeorgjinë, është sigurisht rezultati i kësaj lufte. Kjo është me rëndësi ekzistenciale për integritetin e tyre territorial, e drejta e tyre në të ardhmen për të zgjedhur rrugën e tyre. për jetën", tha Reinsalu.

Sekretari i Përgjithshëm i NATO-s Jens Stoltenberg tha se vendet janë të prekura nga ndikimi rus në mënyra të ndryshme prandaj duhet një mbështetje tani përpara se gjërat të shkojnë në drejtime të gabuara.

“Ata janë prekur nga ndikimi rus në mënyra të ndryshme, por më mirë t’i mbështesim tani, në vend që të shohim zhvillime që shkojnë absolutisht në drejtimin e gabuar, siç pamë me pushtimin e Ukrainës në fillim të këtij viti", tha Stoltenberg.

Udhëheqësit evropianë kanë frikë se vendet në skajet jugore dhe lindore të kontinentit do të humbasin durimin në pritje të anëtarësimit në BE dhe NATO, gjë që mund t’i lërë të hapur derën ndaj destabilitetit, si dhe përpjekjeve ruse dhe kineze për të fituar ndikim. Ministrja e Jashtme boshnjake, Bisera Turkoviç, e cila u ftua të bashkohej në takimin e NATO-s, tha se ishte e shqetësuar për synimet e Rusisë për vendin e saj. Ajo tha se qeveria e saj ka në përbërje të saj përfaqësues rusë dhe se Bosnja është një vend i ndarë sa i përket mendimit për Rusinë.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore