Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Detajet/ 1,8 milionë euro prona, zbulohet biznesi i ri i Shkëlzen Berishës pranë Gërdecit

Detajet/ 1,8 milionë euro prona, zbulohet biznesi i ri i Shkëlzen

Zbulohen të tjera detaje për godinën e blerë nga Shkëlzen Berisha, me shifrën marramendëse prej 1.8 milionë euro.

Gazeta Shqip ka mësuar se ky objekt i pozicionuar në afërsi të Gërdecit, fillimisht është ndërtuar nga ish-kryebashkiaku i Vorës, Fiqiri Ismaili, i zgjedhuri i përhershëm i PD-së si kandidat për këtë bashki që njihej si bastion i demokratëve.

Më pas objekti i është shitur një biznesmeni të njohur nga Fieri. Godina, që ka brenda një fabrikë, ka vlerë rreth 4 milionë euro, por sipas kontratës së shitblerjes rezulton të jetë nën çmimin e tregut.

Në këtë fabrikë, Gazeta Shqip ka mësuar se do të përdoret për ambalazhimin e frutit të boronicave me qëllim për t’i eksportuar jashtë Shqipërisë. Pikërisht ky është edhe biznesi i ri i djalit të ish-kryeministrit Shkëlzen Berisha, ku sipas burimeve, ai ka krijuar edhe monopolin e grumbullimit të këtij fruti.

Kjo tregon se familja Berisha nuk ngopet, duke i marrë i këtij vendi çdo gjë, deri tek boronicat dhe vetëm për përfitim personal.

Prona dhe biznesit që do të ngrihet nga Berisha është afër zonës së Gërdecit, vendit që disa vite më parë gjatë qeverisjes së PD-së në mars të 2008-ës pati një shpërthim të fuqishëm nga demontimi të municioneve humbën jetën të paktën 28 persona dhe pati qindra të plagosur.

Pikërisht kjo fabrikë demontimi dyshohej se kishte lidhje edhe me familjarët e ish-kryeministrit Berisha, ku gjatë hetimeve u përfol edhe emri i Shkëlzen Berisha në këtë trafik të armëve. Hetime këto që u zgjeruan përtej Atlantikut mbi këtë aferë trafikimit ndërkombëtar të armëve, por që Berisha ia hodhi paq.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore