Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kosova

Vuçiç publikoi nëntë shtetet që kanë tërhequr njohjen e Kosovës, opozita: Pse nuk reagon Ministria e Jashtme

E Enjte 5 Janar 2023, 15:13 Gazeta Shqip

Vuçiç publikoi nëntë shtetet që kanë

Presidenti i Serbisë, Aleksandër Vuçiç ka bërë publike 9 vendet që kanë tërhequr njohjen e Pavarësisë Kosovës. Kreu i shtetit serb po ashtu pretendoi se ekziston edhe një shtet i dhjetë, megjithatë ai nuk ka specifikuar se për cilin shtet bëhet fjalë.

“Ne nuk mund t’u bëjmë ballë fuqive të mëdha, ne jemi të vegjël, Gjermania, Amerika dhe Evropa janë të mëdha. Aktualisht janë 106 shtete që nuk e njohin Kosovën. Nëntë e kanë tërhequr njohjen e tyre. Këto janë: Somalia, Burkina Faso, Gaboni, Eswatini, Libia, Guinea, Antigua dhe Barbuda, Saint Lucia e Maldivet. Ekziston edhe një shtet tjeter që ka njoftuar se od të tërheq njohjen.”

Menjëherë pas deklaratës se presidentit serb ka reaguar opozita në Prishtinë. Nënkryetarja e PDK-së dhe ish-ambasadorja e Kosovës në Washington, Vlora Çitaku, është shprehur e shqetësuar me faktin se ministrja e jashtme, donika Gërvalla nuk ka komentuar mbi pretendimet e Beogradit.

“Mirëpo ajo që më shqetëson është heshtja e Ministrisë së Punëve të Jashtme. Sigurisht unë e kuptoj natyrën e punës dhe diskrecionin që ndonjëherë ta imponon diplomacia. Po një përgjigje duhet dhënë”, shkruan ajo në një postim në rrjetet sociale.

Nga ana tjetër, vazhdon “lufta online” mes hakerëve të grupit të quajtur “Anonymous” dhe presidentit serb Aleksandër Vuçiç.


Po pas  deklaratës së tij, grupi i hakerëve, Anonymous, ka njoftuar se ka “hakeruar” web-faqen e Ushtrisë serbe. Përmes një shkrimi në Tëitter Anonymous i ka dërguar mesazh presidentit serb, Aleksandër Vuçiç, duke e quajtur fashist.

“Web-faqja e Ushtrisë serbe është thyer. Fashisti Aleksandar, mos e humb kohën me qentë e tu. Ushtria juaj nuk mund të leh tani. Mos e nënvlerësoni as Anonymous, ne do t’ju vendosim zinxhirin”, është bërë e ditur në mesazhin e tyre.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore