Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Zylfie Haklaj nxjerr artikullin: Berisha, pas 21 vitesh e vërtetoi se është protagonisti kryesor për eliminimin e Haklajve

Zylfie Haklaj nxjerr artikullin: Berisha, pas 21 vitesh e vërtetoi se

Motra e Haklajve, Zylfie Haklaj reagon ashpër ndaj deklaratave të lëshuara nga ana ish-kryeministrit Sali Berisha për vrasjet që i morën jetën 11 pjesëtarëve të fisit të saj.

“Thirrjet e Sali Berishës më 26 Tetor 1999  për mobilizimin e bandave 10 ditë para vrasjes së Fatmir Haklajt, ku Fatmir Haklaj vritet më 4 nëntor. Dhe tani e shpreh shume mirë se çfarë ndodhi për eliminimin e Haklajve, ku në fakt ai vetë ishte protagonisti kryesor dhe tani shprehet pas 21 vitesh si u bë organizimi për vrasjet në familjen Haklaj”, shprehet Zylfie Haklaj. Në një reagim të sajin, ajo shton se “akuza e Fatmir Haklaj kundër Sali Berishës para 21 vitesh vërtetohet më së miri nga vetë Sali Berisha ne TV - Klan me datën 28-10-2020”.

“Para 21 vitesh më 24 tetor Fatmir Haklaj boton tek gazeta “Koha Jonë, një letër të hapur, ku akuzon hapur Sali Berishën si bashkëpunëtor në të gjitha ngjarjet e ndodhura në Tropojë dhe në familjen Haklaj. I menjëhershëm ka qenë reagimi i Sali Berishës tek gazeta e PD, “Rilindja Demokratike”, ku e vërteton më së miri që ai është nxitësi i të gjitha ngjarjeve në Tropojë. Berisha nuk ngurron të përmendë edhe emra të përveçëm u bën thirrje që të marrin masa sa nuk është vonë, ose në të kundërt do të kishin pasoja për jetën”, shprehet Zylfija.

Më tej ajo shton se “ndërsa vdekja e Feriz Kërrnajës dhe Halil Haklajt po atë ditë, ku u vendosen mina të telekomanduara nuk i bën përshtypje Berishës”.

“Këtu duket më së miri bashkëpunimi i Sali Berishës me bandat kriminale dhe thirrja e tij për veprim. Këtë bashkëpunim e vërtetoi më së miri me datën 28 shtator në TV Klan, ku u shpreh që shteti bashkëpunoi me familjet e viktimave për të vrarë Haklajt. Po është e vërtetë që ne u vramë nga shteti i Sali Berishës brenda shtetit në bashkëpunim me bandat e tij kriminale që i ka përmendur me emra të përveçëm që para 21 vitesh”, deklaron Zylfie Haklaj.

Gjatë një prononcimi për emisionin Opinion në Tv Klan më 28 shtator, ish-kryeministri Berisha tha se Haklajt e Tropojës i vrau shteti, duke mohuar të ketë gisht në ngjarjet e rënda. Berisha bëri edhe një lidhje mes vrasësve të Azem Hajdarit dhe fisit Haklaj.

“Ata që vranë Azemin zhdukën dhe Haklajt. Ata duhet të zhdukeshin, sepse kryen krimin e shekullit. Ata ishin terroristë. Kurrë Tropoja nuk ka njohur një bandë plaçkitëse të këtij lloji, përdhunues e kriminale. Vetëm shteti mund t’i vriste ata. Vetëm shteti mund të bënte diçka të tillë, duke bërë kombinime me familjet e viktimave. Ata ishin të angazhuar”, theksoi Berisha.

Çfarë shkruhej në artikullin e RD-së?

Rilindja Demokratike reagoi ndaj letrës së hapur të Fatmir Haklajt duke e cilësuar si në kërcënim të hapur ndaj PD-së, por edhe ndaj eksponentëve të PS-së.  Fatmir Haklaj në këtë letër të hapur në gazetën Koha Jonë, akuzonte hapur ish-kryeministrin Sali Berisha për ngjarjet në Tropojë.

 “Ish-shefi i komisariatit të Tropojës, Fatmir Haklaj, cili ka vrarë publikisht një vartës të tij në zyrë, ndërsa akuzohet si autor apo organizator i disa vrasjeve të tjera që kanë tronditur zonën e veriut, kërcënoi me hakmarrje ndaj të gjithë kundërshtarëve të Nanos, brenda dhe jashtë Partisë Socialiste. Në një letër publike të dielën nga përditshmja “Koha Jonë”, zëdhënëse e drejtpërdrejtë e Fatos Nanos, sidomos gjatë periudhës që e shoqëroi Kongresin e Partisë Socialiste, Fatmir Haklaj la të kuptojë se me rikthimin e shefit të tij në drejtim e PS-së, ka ardhur sërish koha kur banda e tij bënte ligjin në Tropojë dhe në zona të tjera të Veriut. Ish-shefi i komisariatit të Tropojës, tani i plagosur në kokë, nuk i fsheh aspak simpatinë e tij politike, pasi ai i konsideron njësoj armiq si drejtuesit e Partisë Demokratike, ashtu edhe rivalët e Nanos brenda Partisë Socialiste”, shkruan në artikullin e datës 26 tetor 1999, e që ka titullin: “Fatmir Haklaj: Tani që kemi Nanon, ruhuni”.

Zylfie Haklaj nxjerr artikullin: Berisha, pas 21 vitesh e vërtetoi se

Më tej në mes rreshtave në këtë artikull theksohet për letrën e Haklajt se “ajo duhet konsideruar si mesazh i vlefshëm për ata që ende nuk kanë dorë të bëjnë ndonjë gjë të mirë për këtë vend, edhe pse nuk arritën të shumicën në partinë e tyre, ku ende sundon enverizmi. Ata sigurisht që nuk kanë pse të tremben nga një njeri që bëhet trim vetëm kur vesh uniformë dhe vetëm kur dikush e gradon si të parin e vendit, pa marrë parasysh kthimet e tij. Ata nuk kanë pse të tremben nga një shërbëtor  i vogël i Fatos Nanos, ndërkohë që kanë pasur kurajën që të ndeshen me atë vetë përballë. Në rast se kundërshtarët  e Nanos në PS do të tregojnë ndonjë moment dobësie përballë lakejve të vegjël që ka kurdisur vetë Fatos Nano, apo në një mënyrë të tërthortë inkurajimi që u ka segmenteve më kriminale, fitorja e tij, ata do të jenë jo vetëm të humbur në betejën e tyre të papërfunduar, por edhe të pasigurt për jetën e vet”.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore