Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Investigim

Plehrat bëjnë bashkë socialistët dhe demokratët, nipi i Sadri Abazit fiton tenderin në Shkodër

E Enjte 1 Tetor 2020, 18:30 Gazeta Shqip

Plehrat bëjnë bashkë socialistët dhe demokratët, nipi i

Firma e familjes së deputetit të Partisë Socialiste, Sadri Abazi, ka fituar tenderin e pastrimit të qytetit të Shkodrës. Kryetarja e bashkisë së vetme që drejtohet nga demokratët, ka lidhur kontratën e pastrimit me kompaninë “Alko Impex Construction”, me administrator nipin e deputetit të PS-së, Arbër Abazi. 

Sipas dokumenteve që disponon gazeta “Shqip”, kryetarja Ademi ka firmosur njoftimin e shpalljes së fituesit. Megjithëse oferta e kësaj kompanie nuk ka qenë më e ulët, sërish ajo është shpallur fituese.

Kompania që ka ofruar më pak është s’kualifikuar për disa motive të parëndësishme, duke ngjallur dyshime se gjithçka ka qenë e paracaktuar. Diferenca mes ofertës së “Alko Impex Construction” dhe kompanisë që ofroi më pak është plot 60 milionë lekë të vjetra. Por, sërish fitues është firma e familjes së Sadri Abazit.

Në dokumente që disponon “Shqip” thuhet se tenderi ishte me objekt “shërbimi i pastrimit për Bashkinë Shkodër, zona Lindore”. Fondi limit për këtë tender ka qenë plot 600 milionë lekë të vjetra pa TVSH. Mësohet se vlera e firmës fituese ka qenë 480 milionë lekë, ndërsa në tender kanë marrë pjesë 7 firma. Oferta më e ulët ka qenë e kompanisë “Cogren” sh.p.k, me ofertë 420 milionë lekë. Por, këta të fundit janë s’kualifikuar me arsyetimin se punët e ngjashme të paraqitura nuk kapin vlerën limit të kërkuar. Gjithashtu nuk ka dokumente për analizë kosto.

Kohët e fundit, familja Abazi i ka hedhur sytë nga biznesi i plehrave, duke garuar në disa qytete si Tiranën, Kavajën, Devoll, Librazhd e sëfundmi Shkodër. Që prej ardhjes së socialistëve në pushtet, kompania “Alko Impex Construction” ka fituar mbi 27 milion dollarë tendera, kryesisht në fushën e pastrimit.

Një pjesë e këtyre tenderave janë fituar me dokumenta të falsifikuara dhe në një rast është favorizuar nga Komisioni i Prokurimit Publik duke nxjerr dy vendime të kundërta me njëra tjetrën, vetëm për të shpallur fitues nipin e deputetit socialist Sadri Abazit.

Plehrat bëjnë bashkë socialistët dhe demokratët, nipi i

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore