Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Stuhi dhe erë e fortë në gjithë vendin, por si do jetë moti në orët në vazhdim?

E Mërkurë 5 Gusht 2020, 15:00 Gazeta Shqip

Stuhi dhe erë e fortë në gjithë vendin, por si do jetë

Gjatë 24 orëve të fundit i gjithë vendi ishte i përfshirë nga reshjet e shiut dhe era e fortë. Madje moti i keq shkaktoi jo pak probleme në disa qytete të Shqipërisë, sidomos në zonat bregdetare ku pushuesit nuk mund të shijon plazhin.

Por kjo fatmirësisht është thjesht një situatë e përkohshme, pasi shirat do të largohen gradualisht nga bregdeti, madje duke filluar që nga pasditja e sotshme.

Ndërsa dita e nesërme do të vijojë me temperatura të larta që arrijnë deri në 37 gradë Celsius. Sipas sinoptikanes së Meteoalb, Adiola Bani, pas një situate të përkohshme për 2 ose 3 orë pritet përmirësim i motit në zonat bregdetare.

“Mbrëmja do sjellë përmirësim të motit në mbarë vendin. Edhe nesër moti do jetë i vranët me reshje të pakta. Të premten reshje do të ketë vetëm në zonat malore. Nga dita e enjte dhe në vijim do të kemi temperatura në 37 gradë”, tha Bani për “Balkanweb.

Askush nuk duhet te shqetësohet për pushimet e rezervuara në gusht, pasi situata do të ndryshojë në favor të pushuesve duke filluar nga nesër.

 “Pushuesit nuk duhet të shqetësohen zgjat 2 ose 3 ditë. Do jetë një gusht i favorshëm për pushuesit dhe për ata që kanë rezervuar në pjesën tjetër të muajit gusht”, tha sinoptikania.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore