Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

‘Joe, ti e di që fitova’/ Si qëndron e vërteta e letrës që Donald Trump i la mbi tryezë Biden-it

‘Joe, ti e di që fitova’/ Si qëndron e vërteta e

Një fotografi e një letre nga ish-presidenti Donald Trump për Joe Biden po qarkullon me shpejtësi në internet.

Në letrën e supozuar shkruhet:

“Joe, ti e di që unë fitova.”

Mijëra përdorues të Facebook dhe rrjeteve të tjera sociale besojnë se letra është e vërtetë, por në fakt, ajo është krijuar përmes editimeve dhe redaktimit të imazheve.

Vula presidenciale në letrën e falsifikuar nuk përputhet me shembujt e mëparshëm të dërguar nga Shtëpia e Bardhë e Trump.

Letrat nga Trump drejtuar Kim Jong Un, të Koresë së Veriut në 2018-ën (këtu) dhe presidentit të Turqisë, Tayyip Erdogan në 2019-ën (këtu) kishin një kreshtë ari në krye të letrës, ndërsa letra e rremë ka një vulë me ngjyrë që përputhet me një rezultat të kërkimit në Wikipedia për “Vula e Presidentit të Shteteve të Bashkuara” (këtu).

Kjo letër gjithashtu ka një adresë në fund, ndryshe nga letrat e mëparshme dërguar nga ish-presidenti.

Sidoqoftë, Donald Trump ka lënë një letër për Biden, por ajo nuk është bërë publike.

Trump mori pjesë në traditën presidenciale të lënies së një letre për pasardhësin, por përmbajtja nuk është zbuluar.

Presidenti Biden u tha gazetarëve në Shtëpinë e Bardhë në 20 janar, ditën e inagurimit të tij, se “presidenti shkori një letër shumë bujare”, por “ishte shumë private”.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore