Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Filmi shqiptar “Zana”, në listë për një çmim në Festivalin e Sidneit

E Enjte 28 Maj 2020, 10:05 Gazeta Shqip

Filmi "Zana" i regjisores Antoneta Kastrati është pritur mjaft mirë nga publiku ndërkombëtar. Pas shfaqjes në "Toronto International Film Festival" (TIFF), "Zana" është përzgjedhur si një ndër dhjetë filmat evropian nga regjisoret femra që do të shfaqen në edicionin e 67 të Festivalit të Filmit në Sidnei (SSF) në kuadër të programit "Europe! Voices of Women in Film".

"Zana" është një dramë tronditëse dhe emocionuese që sjell një grua të re kosovare e cila përpiqet të bëhet nënë ndërkohë që ballafaqohet me tmerret nga kaluara e saj e errët në kohë të luftës.

Edhe ky edicion i 67-të i Festivalit të Filmit në Sidnei, njësoj si shumë aktivitete të tjera kulurore do të realizohet duke respektuar masat e marra nga Australia për mbrojtjen ndaj virusit COVID-19.

Festivali i cili do të mbahet nga data 10 deri më 21 qershor 2020, do të jetë në format digjital. Është viti i pestë i "Europe! Voices of Ëomen in Film" dhe filmat e përzgjedhur evropian do të shfaqen në këtë program bashkë me filmat më të fundit australianë.

Regjisorja shqiptare u shpreh se ndihet e lumtur për faktin se Kosova po përfaqësohet për të dytën herë në këtë program, duke shtuar se pjesëmarrja e saj me filmin "Zana" dëshmon që projektet kinematografike kosovare po e vazhdojnë rrugën e suksesit në skenën ndërkombëtare.

"Së pari, është nder i madh të jesh pjesë i programit të veçantë "Europe! Voice of Ëomen in Film", i cili përfaqëson zërat e grave të reja regjisore nga Evropa në Sydney Film Festival. Veçanërisht më gëzon fakti që Kosova për herë të dytë përfaqësohet në këtë program. Kjo dëshmon që filmat nga Kosova vazhdojnë rrugën e suksesit në skenën ndërkombëtare.

E dyta, duke marrë parasysh kohën e veshtirë në të cilën gjendemi për shkak të pandemisë dhe anulimeve të festivaleve dhe shfaqjeve në kinema, jam shume falenderuese që Sydney film Festival dhe European film Promotion kanë gjetur mënyrën për të vazhduar mbështetjen për filmat dhe artin, edhe pse në një formë tjetër, online", tha regjisorja e filmit "Zana", Antoneta Kastrati.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore