Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Si po e kontrollon Gjermania koronavirusin? Mjeku shqiptar zbulon 3 pikat e forta që bëjnë dallimin

Mbi 103 mijë persona janë prekur nga koronavisur në Gjermani, ndërsa janë konfirmuar të vdekur 1810, me një vdekshmëri më të ulët se 2%. Në anën tjetër, shteti se Italia, Spanja, Shtetet e Bashkuara apo Franca janë duke u përballur me një numër mjaft të lartë të vdekjeve.

Mjeku pneumolog, Gani Oruqaj, i cili punon në Hessen foli në A2 mbi mënyrën se si Gjermania po mundohet të mbajë nën kontroll pandeminë e koronavirusit.

Ai veçoi 3 elementë, të cilët sipas tij, mund të kenë një ndikim në shifrat gjermane krahasuar me shtetet e tjera. "Në Itali, mund të ketë numër më të madh të të prekurve, të cilët nuk janë testuar. Faktori i dytë, grupi i testimeve. Moshat e reja përhapin virusin dhe duhen testuar, ashtu siç po e bën Gjermania. Faktori i tretë është sistemi shëndetësor. Ai gjerman është më i përgatitur, me një numër më të madh shtretërish".

Sa i përket medikamenteve të përdorura, ai theksoi se nuk ka terapi antivirale, por terapi suportive, e cila është e vërtetuar edhe shkencërisht për trajtimin e shokut septik.

Edhe në Gjermani, po ashtu si edhe në Kinë apo në shtete të tjera, koronavirusi prek më shumë meshkujt. "Më shumë prek meshkujt. Rreth 60-70 përqind janë meshkuj nga viktimat, po ashtu edhe shumica e personave që janë në intensiv janë meshkuj", tha mjeku shqiptar që punon në Gjermani.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore