Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Berisha shpallet “Qytetar Nderi” në Deçan

Kryeministri, vizitë njëditore në Kosovë për 100-vjetorin

Kryeministri Sali Berisha ka qenë dje në një vizitë njëditore në Kosovë, ku ka marrë pjesë në kremtimet në kuadër të 100-vjetorit të pavarësisë, Berisha, së bashku me autoritetet më të larta të Kosovës, mori pjesë në ceremoninë e vendosjes së shtatores së patriotit shqiptar Ali Ibra në Gjakovë, në qendër të këtij qyteti. Dje në mesditë, axhenda e Kryeministrit shqiptar u zhvendos në Deçan, ku mori pjesë në përurimin e shtatores së Isa Boletinit, si dhe u nderua me titullin ?Qytetar Nderi? i Deçanit. Po në këtë qytet është vendosur shtatorja e Isa Boletinit. Në fjalën e tij, Kryeministri Berisha e cilësoi përurimin e bustit të Isa Boletinit si një ngjarje të madhe për Kosovën, për Shqipërinë dhe për shqiptarët kudo ku janë. ?Sot, ne inaugurojmë shtatoren e tij këtu në Isniq, vendin që shërbeu për Isa Boletinin si toka për Anteun, vendin ku ai merrte fuqi dhe frymëzim për betejat e tij të mëdha për Shqipërinë dhe për Kosovën. Sot, me këtë gjest, i kthejmë burrit të madh të kombit një copëz të nderit të madh që na la mbrapa, të nderit që la për çdo shqiptar?, u shpreh Kryeministri në fjalën e tij. Ai theksoi se ishte Prizreni dhe Kosova që mblodhi shqiptarët nga të gjitha trojet me frymëzimin e vendosmërinë për bashkimin kombëtar të shqiptarëve. ?Pas Kongresit të Berlinit vazhdojnë përpjekjet për shuarjen e shqiptarëve si nocion politik dhe më pas asgjësimin e tyre tërësor, por kjo nuk ndodhi, se pas Lidhjes së Prizrenit u mblodh Besëlidhja e Pejës dhe më pas ishin kuvendet e shumë burrave e trimave të tjerë, që tronditën ?të sëmurin e Bosforit??, u shpreh Berisha. Gjatë vizitës së tij në Kosovë, Berisha u nderua me titullin ?Qytetar Nderi? i Deçanit, dhënë nga këshilli komunal, ndërsa nderoi kujtimin e luftëtarëve të UÇK-së në memorialin kushtuar UÇK-së, në Gllogjan. Ai zhvilloi një vizitë në familjen Haradinaj, si dhe vendosi buqeta me lule edhe pranë shtatoreve të heronjve Luan Haradinaj dhe Sali Çeku. Presidentja e Kosovës, Atifete Jahjaga, vlerësoi se ?Isa Boletini ishte prijës i kryengritjeve shqiptare për liri dhe pavarësi dhe për ta bërë Shqipërinë shtet të përparuar dhe demokratik?. Këto komente ajo i bëri me rastin e zbulimit të shtatores së Isa Boletinit, në Isniq të Deçanit.

 

Berisha, së bashku me autoritetet më të larta të Kosovës, mori pjesë në ceremoninë e vendosjes së shtatores së patriotit shqiptar Ali Ibra në Gjakovë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore