Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

“Palët të pranojnë rezultatin”/ BE deklaratë të fortë për zgjedhjet në Shqipëri

“Palët të pranojnë rezultatin”/ BE deklaratë

Në një deklaratë të përbashkët, përfaqësuesi i Lartë për Politikën e Jashtme të BE-së Joseph Borrel dhe komisioneri për zgjerimin Oliver Varhelyi u bëjnë thirrje të gjitha palëve të përfshira në numërimin e votave të mos e pengojnë procesin. Partive politike u kërkohet të pranojnë rezultatin e zgjedhjeve dhe të garantojnë funksionimin demokratik të institucioneve në vend.

“Ne inkurajojmë të gjitha palët e përfshira në procesin e numërimit të votave të procedojnë me shpejtësi dhe në përputhje me procedurat e përcaktuara. Të gjitha forcat politike duhet të sigurojnë funksionimin efikas dhe demokratik të institucioneve në vend si rezultat i këtyre zgjedhjeve. Kjo përfshin përgjegjësinë për të ndjekur parimin demokratik për të respektuar rezultatin e zgjedhjeve”, thuhet në deklaratë.

Borrel dhe Varheley bëjnë gjithashtu thirrje që çdo parregullsi të sinjalizohet tek Komisioni Qendror i Zgjedhjeve dhe autoritetet kompetente dhe që rastet, përfshirë pretendimet për blerje vote të hetohen. Duke ju referuar konstatimeve të OSBE/ODIHR, zyrtarët e BE, i cilësojnë zgjedhjet si të rregullta.

“Sipas zbulimeve fillestare dhe konkluzioneve të Misionin Vëzhgues të OSBE/ODHIR, zgjedhjet parlamentare ishin përgjithësisht të mirëorganizuara ndërsa fushata ishte e gjallë dhe gjithëpërfshirëse. Komisioni Qendror Zgjedhor i reformuar, mbikëqyri procesin në mënyrë transparente. Vëzhguesit raportuan shqetësime të lidhura me keqpërdorim të resurseve shtetërore nga partia në pushtet dhe figura të tjera publike”, theksohet më tej.

Në deklaratë thuhet më tej se periudha e tranzicionit deri në konstituimin e parlamentit dhe qeverisë së re, nuk duhet të frenojë për implementimin e reformave të nevojshme.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore