Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Zgjedhje 2021

Basha thirrje administratës publike: Mos kini frikë, dilni dhe votoni për ndryshimin

Basha thirrje administratës publike: Mos kini frikë, dilni dhe votoni

Kreu i Partisë Demokratike, Lulzim Basha ishte i ftuar në Open në Top Chaneel ku në fjalën e tij iu drejtuar edhe adminsitratës publike duke i thënë që duhet të dalin masivisht të votojnë ndryshimin.

Basha tha se administratës po i bëhet presion nga mazhoranca dhe se ata duhet ta mposhtin frikën dhe më 25 prill të dalin masivisht të votojnë për ndryshimin.

“Edhe njëherë thirrja që kam është mos e dyshoni. Do të jetë fitorja më e thellë sepse janë zgjedhjet më të rëndësishme. Ndaj pjesëmarrja masive me votë me 25 prill është garancia më e madhe. Dhe thirrja ime meqë jemi në një televizion, i cili shikohet në veçanti, i drejtohemi një audience të veçantë nga interesi i madh i administratës të cilët e ndjekin me ankth 25 prillin dhe kanë qenë subjekti 2-3 lëvizjeve të fundit të cilat po kështu tregojnë ankthin e humbjes me 25 prill.

Presion për të çuar karta identiteti, numra telefoni për të identifikuar votues, presion me vendin e punës, presion për të mos shkuar për të votuar e atyre që dyshohen se do të votojnë kundër, presion se po të vijë Partia Demokratike do t’i heqë nga puna. Dua të jap një mesazh të qartë dhe të drejtpërdrejtë për tre gjithë punonjësit e administratës, për të gjithë nëpunësit publik, punonjësit e ndershëm të policisë së shtetit, policisë së burgjeve, forcave të armatosura, mjekët, infermierët, mësuesit, nga sanitarët të çdo nëpunës i çdo rangu, nga ata që marrin ato rroga 400, 500, 600, 800 mijë lekë dhe shohin shefat e tyre që me një dorë vjedhin 400 mijë euro, ministrat 4 milion dhe kreun e piramidës në krye të babëzisë, mos kini asnjë frikë.

Dilni masivisht të votoni për ndryshimin. I vetmi ndryshim më 25 prill që do të votoni, është largimi i atyre që ju kanë përdorur si skllevër dhe kthimi i dinjitetit, i qetësisë dhe i mundësisë për t’i shërbyer ligjit dhe qytetarëve”- tha Basha.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore