Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

"Zidane-it nuk do i hap as telefonin"/ Presidenti i Federatës Franceze: Le të kërkojë kombëtare tjetër

E Hënë 9 Janar 2023, 10:18 Gazeta Shqip

"Zidane-it nuk do i hap as telefonin"/ Presidenti i Federatës

Didier Deschamps vetëm para pak ditësh rinovoi kontratën e tij si trajner i Francës deri në vitin 2026. Në medie ishte përfolur shumë largimi i mundshëm i ish-mesfushorit dhe ardhja në krye të stolit e legjendës së Francës dhe Real Madrid, Zinedin Zidane.

Presidenti i Federatës Franceze të futbollit, Noel Le Graet, ka folur rreth zëvendësimit të Deschamps me Zidane. Ai tregohet mjaft i ashpër në përgjigjen e tij dhe shprehet se Federata nuk e ka cilësuar në asnjë moment Zidane si trajner të mundshëm për kombëtaren.

Kur ngacmohet nga gazetari i “RMC Sport” se çfarë do të bënte në rast se Zidane e telefononte për t’i kërkuar stolin e kombëtares, Le Graet shprehet se nuk do të denjonte as t’i hapte telefonin ish-fituesit të Topit të Artë dhe Kupës së Botës me Francën.

“Nuk e kam takuar kurrë Zidane, nuk kemi menduar kurrë të ndahemi nga Deschamps. Disa njerëz duhet t’i ndryshojnë gjërat ose t’i shpikin sepse nuk e dinë çfarë të shkruajnë. Po të më telefononte Zidane? Sigurisht që jo, as nuk do t’i përgjigjesha telefonit të tij.

Le të kërkojë ndonjë klub apo kombëtare tjetër. Ai kishte kaq shumë mbështetës, disa prisnin që Deschamps të shkarkohej që Zidane të merrte kreun e kombëtares. As nuk më intereson se ku ai shkon”, është përgjigjur presidenti i Federatës Franceze të Futbollit.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore