Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Wamangituka nuk ekziston, sulmuesi ka ndërruar identitet në 2018-ën

Wamangituka nuk ekziston, sulmuesi ka ndërruar identitet në

Silas Wamangituka, sulmues 21-vjeçar i Stuttgartit, që këtë sezon ka arritur të shënojë 11 gola në 25 ndeshje në Bundesligën gjermane, nuk ekziston. Në fakt sulmuesi ka emrin e vërtetë Silas Katompa Mvumpa dhe është 22-vjeç, ndërsa vetë futbollisti dhe klubi i Stuttgartit kanë konfirmuar se ai ka luajtur me dokumente false.

Bëhet fjalë për një rast të ngjashëm me brazilianin Eriberot në vitin 2002- në Serinë A, që emrin e vërtetë e kishte Luciano, por këtë herë sulmuesi i Stuttgartit ka rënë pre e makinacioneve të agjentëve, ndaj edhe klubi gjerman i ka dalë në krah, i bindur në pafajësinë e tij.

“Pa mbështetjen e klubit dhe agjentit tim të ri, nuk do ta kisha menduar kurrë të bëj këtë hap, për të zbuluar këtë të vërtetë, por vendosa të mos rri më me frikë dhe të luaj me letra të hapura. Dikur kam pasur frikë për veten dhe familjen në Kongo, por këtu ndihem në shtëpinë time dhe jam i sigurt”, u shpreh sulmuesi.

Ndryshimi i identitetit është bërë në verën e 2018-ës, për të favorizuar kalimin me parametra zero te francezët e Ales, ndërsa tani pritet një vendim, që mund të jetë edhe pezullim i përkohshëm për sulmuesin, por klubi i Stuttgartit mbetet besimplotë se gjithçka do të kalojë pa pasoja.

Denonco

Keni informacion në interes të publikut? Dërgojeni në Shqip duke klikuar këtu.

Poll

Në Fokus

Ndiqni të gjitha lajmet e fundit
në rrjetet tona shoqërore