VIDEO/ Përplasja me grushte dhe shkelma në ndeshjen Bylis-Laçi, Disiplina 'fundos' lojtarët

E Mërkurë 17 Shkurt 2021, 18:55 Gazeta Shqip

VIDEO/ Përplasja me grushte dhe shkelma në ndeshjen Bylis-Laçi,

Komisioni i Disiplinës pranë Federatës Shqiptare të Futbollit ka marrë vendim për dhunën në ndeshjen mes Bylis dhe Laçit.

Disiplina ka vendosur të dënojë me 10 ndeshje pezullim sulmuesin e Laçit, Nwabueze Kyrian Chinazorm.

Për të njëjtën ngjarje janë pezulluar respektivisht me 10 ndeshje dhe 9 ndeshje pezullim, lojtari i Bylis Xhoi Carkanji dhe zyrtari i klubit Ermal Hasimaj.

Vendimi i Komisionit të Disiplinës

1. Lojtari i KF Laçi, Nwabueze Kyrian Chinazorm, për sulm ndaj kundërshtarëve, në bazë të nenit 47/1/e të KDS, dënohet me 10 (dhjetë) ndeshje pezullim nga aktiviteti.
2. Lojtari i KF Bylis, Xhoi Carkanji, për sulm ndaj kundërshtarëve, në bazë të nenit 47/1/e të KDS, dënohet me 10 (dhjetë) ndeshje pezullim nga aktiviteti.
3. Zyrtari i KF Bylis, Ermal Hasimaj, për sulm ndaj kundërshtarëve, në bazë të nenit 47/2/b të KDS, dënohet me 9 (nëntë) ndeshje pezullim nga aktiviteti.
4. Shkëndija C.T U-19, për dështim në zhvillimin e ndeshjes së vlefshme për Kampionatin Kombëtar të Kategorisë së Parë U-19 Grupi A, kundër KS Korabi, në bazë të nenit 30.1 të Rregullores së Veprimtarisë Futbollistike, humbet ndeshjen në tavolinë me rezultatin 3-0.
5. Çeljen e hetimit disiplinor për ndeshjen e Kampionatit të Kategorisë së Dytë midis F.C Bulqiza dhe FK Tërbuni. Urdhërohet Sektori i Garave pranë FSHF për kryerjen e verifikimeve të nevojshme.
6. Rrëzimin e kërkesës së KF Sopoti, në lidhje me lojtarin Orgest Tanushi, si të pabazuar në Kodin e Disiplinës Sportive.