Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

VIDEO/ Juventus afrohet më shumë me kreun, merr fitoren e radhës

VIDEO/ Juventus afrohet më shumë me kreun, merr fitoren e radhës

Pas fitores 1-3 ndaj Milanit në mesjavë, Juventus merr fitoren e rradhës në Serie A. Përballë Sassuolos, që luajti të gjithë pjesën e dytë me një lojtar më pak, djemtë e Pirlos vuajtën jo pak.

Pjesa e parë u mbyll me rrjeta të paprekura, megjithëse të dy ekipet patën rastet e tyre për shënim. Duhet theksuar se në minutën e 42, Paulo Dybala u detyrua të lerë fushën për shkak të një dëmtimi. Ndërsa Sassuolo mbeti me 10 lojtarë pas ndërhyrjeje brutale të Obiang ndaj Chiesas.

Me fillimin e 45 minutave të dyta, Juventus shtoi presionin në portën e Sassuolos duke gjetur golin e avantazhit në minutën e 51 me autor Danilon.

Por Sassuolo reagoi menjëherë dhe pas 8 minutash barazoi shifrat me Defrel. Por për ti rikthyer avantazhin Juventusit mendoi Ramsey, i cili në minutën e 82, tundi rrjetën.

Ndërsa për të vulosur fitoren duhej të vinte goli i Cristiano Ronaldos në minutën e 2 shtesë.

Me këtë fitore, Juventus ngjitet në vendin e katërt, kuotën e 33 pikëve, 7 më pak se Milani kryesues. Ndërsa Sassuolo ndalet në vend të shtatë, në kuotën e 29 pikëve.

Javën e ardhshme të Serie A, Juventus rikthehet në “San Siro” këtë herë për tu përballur me Interin e vendit të dytë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore