VIDEO/ Francezët kryqëzuan portierin e Argjentinës për gjestin, por Mbappe e kopjon atë, feston me trofeun para organit gjenital

Kylian Mbappe mund të mos e konsiderojë si mik portierin e Argjentinës, Emiliano Martinez, por me siguri duket se ka mësuar se si të festojë nga fituesi i Kupës së Botës.

Martinez shkaktoi polemika në festimet pas finales së Kupës së Botës, ku pasi fitoi çmimin Doreza e Artë e turneut, u shfaq duke bërë një gjest të papërshtatshëm me trofeun, të cilin e vuri para organit gjenital.

Portieri i Aston Villa në atë kohë shpjegoi se veprimet e tij ishin në përgjigje të goditjeve nga tifozët e zhgënjyer francezë brenda fushës.

FIFA më pas njoftoi se po fillonte një hetim mbi veprimet e skuadrës argjentinase pasi ata mundën Francën me penallti për të fituar finalen e Kupës së Botës 2022.

Mirëpo, pavarësisht se ishte thumb për Mbappe dhe Francën gjatë finales në Katar, Mbappe është kapur në kamera duke festuar me një tjetër trofe në mënyrë të ngjashme.

Superylli francez u fotografua duke dalë nga selia e klubit të tij PSG duke mbajtur një objekt që duket i ngjashëm me çmimet e lojtarit të ndeshjes në Kupën e Botës.

Mbappe, duke bërë shaka me shokët e tij, më pas tërheq vëmendjen e tyre përpara se të përsërisë shpejt të njëjtin gjest si ai i Martinez në Kupën e Botës.

Video më pas përfundon me 22-vjeçarin e talentuar që largohet për t'iu bashkuar të tjerëve të pranishëm.

Kylian Mbappé qui imite le geste d’Emiliano Martinez?? en finale de la coupe du monde.? pic.twitter.com/BLntbj6Ttt

— FOOTBALL-TIME ? (@__Footballtime) January 22, 2023