Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

VIDEO/ Episod i shëmtuar racizmi, Valencia braktis për disa minuta ndeshjen ndaj Cadiz

E Martë 6 Prill 2021, 00:46 Gazeta Shqip

VIDEO/ Episod i shëmtuar racizmi, Valencia braktis për disa minuta

Valencia humbi me rezultatin 2-1 në transfertën ndaj Cadizit, por më shumë sesa ndeshja në fushën e lojës, vëmendjen e mori një episod i shëmtuar racizmi, që solli edhe ndërprerjen e takimit për disa minuta.

Ngjarja u regjistrua në minutën e 29’ të takimit, kur rezultati ishte barazim 1-1 dhe futbollisti Juan Cala përdori shprehje raciste ndaj lojtarit me ngjyrë të Valencias, Mouctar Diakhaby, i cili humbi vëmendjen nga loja dhe shkoi të konfrontohej me kundërshtarin. Pas një rrëmuje të krijuar në fushë, futbollistët e Valencias braktisën fushën e lojës përreth 15 minuta dhe u rikthyen më pas, por më shumë sesa te rezultati, u përqendruan të ngushëllojnë shokun e ekipit për atë episod të shëmtuar.

“Cala më ka thënë zezak m…”, dëgjohet t’u thotë shokëve të tij Diakhaby, ndërkohë që po linin fushën e lojës në shenjë proteste, ndërsa Federata Spanjolle e Futbollit ka paralajmëruar një hetim të imtësishëm për rastin. Vetë klubi i Cadizit reagoi pas ndeshjes me një deklaratë zyrtare, ku konfirmoi se dënon me ashpërsinë më të madhe të gjitha shprehjet e racizmit apo ksenofobisë dhe se do të marrë masa ndaj autorëve të tyre, qofshin këta edhe futbollistë të skuadrës.

 

Me një deklaratë zyrtare me 10 pika, reagoi edhe klubi i Valencias, që sqaroi se Diakhaby ka rënë viktimë e racizmit në futboll dhe se për këtë ka marrë edhe një karton të verdhë nga arbitri, teksa uroi që ngjarja të hetohet me detaje. Klubi valencian theksoi gjithashtu se është krenar me mënyrën si futbollistët mbrojtën shokun e ekipit dhe se vendimin për t’u rikthyer në fushë e mori vetë Diakhaby, pasi dëgjuan nga arbitri kryesor pasojat e mundshme të braktisjes së ndeshjes.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore