VIDEO/ Emiliano Martinez e bën sërish! Portieri përsërit gjestin e Katarit me shokët e tij…

Thuajse kishim filluar t'u besojmë shpjegimeve të tij, për emocionet në fitimin e një prej finaleve më mahnitëse të Kupës së Botës në histori në Katar. Por në fund të fundit, mesa duket Emiliano Martinez nuk është penduar për gjestin e tij. 

I kritikuar për gjestin e tij të turpshëm me trofeun e portierit më të mirë të marrë në vazhdën e ndeshjes së finales në Katar, portieri i Albiceleste e bëri sërish këtë të enjten në mbrëmje. Dhe këtë herë, ai nuk ishte i vetëm në këtë moment vulgariteti.

Në hapësirat e miqësores kundër Panamasë në Buenos Aires (2-0), ku Lionel Messi dhe partnerët e tij festuan edhe një herë titullin kampion bote me publikun e tyre, portieri i Aston Villa riprodhoi atë gjest.

“Dibu” e riprodhoi këtë, me kopjen në miniaturë të Kupës së Botës që iu dha argjentinasve dhe në shoqërinë e Guido Rodriguez, Marcos Acuna, Geromino Rulli dhe gjerman Pezzella, të gjithë të argëtuar si ai në këtë video ekstrakt të transmetuar nga kanali britanik BT Sport.

Megjithatë, ai që kishte qenë vendimtar gjatë penalltive kundër francezëve, ishte betuar në një intervistë dhënë në shkurt për ESPN: “Ishte marrëzi ajo që bëmë me djemtë, por kjo është e vetmja gjë që nuk jam krenar që kam bërë”,- ka thenë ai.

 “Ishte një shaka me shokët e mi të skuadrës”, siguroi ai gjithashtu në një intervistë për France Football.