Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

"Thanë që iu luta gjyshes por..."/ Messi rrëfehet për Kupën e Botës: Me Mbappe folëm vetëm...

E Premte 3 Shkurt 2023, 13:09 Gazeta Shqip

"Thanë që iu luta gjyshes por..."/ Messi rrëfehet

Kampioni i Botës , Lionel Messi është rikthyer së fundmi të flasë për triumfin e paharrueshëm në Kupën e Botës, ku Argjentina fitoi trofeun më të rëndësishëm dhe kurorëzoi në mënyrën më të mirë karrierën e tij. Argjentinasi ka folur së fundmi në lidhje me festën e madhe të triumfit, bisedat me Mbappe dhe lutjet e tij në momentet e penalltive.

LUTJET TE PENALLTIA E FUNDIT – “Thuhet se po flisja më nënën time apo me Maradona-n, por nuk është kështu, thjesht po i lutesha zotit që të shënonim te penalltia e fundit, të mos zgjatej më shumë agonia”.

FOTOJA ME KUPËN – “Shkuam në hotel në orët e para të mëngjesit, De Paul dhe Otamendi më dëgjuan që shkova në tualet dhe erdhën në dhomë duke më bërë foto. Kupa ishte me mua atë natë. Njerëzit e përjetuan në maksimum këtë sukses, jo vetëm pas finales, festuan me ditë të tëra. Të shihje imazhet e tyre ishte diçka spektakolare”.

MBAPPE-MESSI – “U takova me Mbappe, kur u ktheva në Paris. Folëm shkurtimisht për mënyrën sesi u festa në Argjentinë, asgjë më shumë. Edhe unë kam humbur një finale Botërori, e di se çfarë do të thotë, kështu që e kuptoj dhe nuk dua ta zgjas më shumë. Mes meje dhe tij çdo gjë shkon shumë mirë”.

E ARDHMJA – “Jam 36 vjeç, e kam të vështirë të mendoj për Botërorin e ardhshëm, më duket e vështirë të jem. Unë e dashuroj futbollin, për sa kohë do të jem në formë do të vijoj të luaj, por nuk arrij dot të mendoj deri në Botërorin e ardhshëm”.

TRAJNERI SCALONI – “Shpresoj që të rinovojë, do të ishte diçka e bukur nëse nuk ndryshojmë tani. Nuk kam folur së fundmi me të, por ky është një vendim që i takon vetëm atij, në çdo rast do ta mirëkuptoj”, u shpreh ndër të tjera Messi.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore