Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Surpriza në kampionatin gjerman, Borussia jashtë garës për zonën Champions, Schalke edhe më pranë rënies

E Diel 4 Prill 2021, 00:59 Gazeta Shqip

Surpriza në kampionatin gjerman, Borussia jashtë garës për

Borussia e Dortmundit komplikon totalisht objektivin për të siguruar një vend në zonën Champions të renditjes në Bundesligë, pasi humbi me rezultatin 1-2 në shtëpi, në sfidën direkte me Eintracht Frankfurt.

Këta të fundit kaluan në avantazh në minutën e 11’, pas një autogoli të Schulz, ndërsa verdhezinjtë ia dolën të shkojnë në dhomat e zhveshjes me rezultatin e barabartë 1-1, pasi ishte mbrojtësi Hummels që shënoi. Në momentin më të mirë të Borussias së Dortmundit, ishte sulmuesi portugez Andre Silva që shënoi edhe golin e dytë për miqtë nga Frankfurti, duke u dhënë një fitore mjaft të rëndësishme, që i konsolidon në zonën Champions të renditjes.

Rikthehet te fitorja edhe Bayer Leverkusen, që triumfoi me shifrat 2-1 ndaj Schalke 04 në “Bay Arena”. Alario dhe Schick shënuan për “aspirinat”, ndërsa Schalke me këtë humbje është gjithmonë edhe më pranë rënies në Bundesligën e dytë, pasi ka grumbulluar vetëm 10 pikë në 27 ndeshje.

Në sfidat e tjera, Augsburgu triumfoi me rezultatin 2-1 ndaj Hoffenhaimit, Mainz dhe Arminia Bielefeld ndanë nga një pikë falë barazimit 1-1, ndërsa Wolfsburg mposhti me rezultatin minimal 1-0 Kolnin.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore