Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Shoku i skuadrës zbulon për herë të parë sherrin me Messi-n: Ai donte të më vriste, ndërsa unë..

Shoku i skuadrës zbulon për herë të parë sherrin me

Pavarësisht se Leandro Paredes është një nga miqtë më të mirë të Leo Messit në kombëtaren e Argjentinës dhe, së bashku me Angel Di Maria, një nga ata që bënë më së shumti për ta bindur atë të nënshkruante për PSG-në gjatë Kupës së Amerikës së fundit, mesfushori i klubit francez zbuloi një zënkë mes të dyve.

Ndodhi para se Messi të vazhdonte të ndante dhomën e zhveshjes me Paredes në Paris. Konkretisht, gjatë ndeshjes së fazës së 16-të të Champions League 2020/21 në të cilën PSG vizitoi Camp Nou për t'u përballur me Barcelonën.

Ndoshta i zemëruar për shkak të humbjes 4-1 të Barcelonës atë ditë, Messi u nxeh pas një goditje të marrë nga bashkatdhetari i tij. Megjithatë, nuk ishte faulli që tronditi nr.10, por një koment i Paredes.

“Ai u zemërua, sepse unë u bëra një koment shokëve të mi dhe ai më dëgjoi dhe u zemërua”, tha Paredes për Caja Negra.

"Ai ishte me të vërtetë i zemëruar. Ai më sulmoi. Ishte keq. Ai donte të më vriste dhe unë doja të shkoja në shtëpi."

Ishte një kujtim i keq për mesfushorin por nuk shkoi më tej, pasi Messi do ta linte inatin në fushë dhe nuk u hakmor ndaj mikut të tij.

“Më pas e pashë në kombëtare dhe sillej sikur të mos kishte ndodhur asgjë”, tha ai.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore