Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Ryshfeti miliona dollarë/ Si e bleu Katari, Kupën e Botës 2022. Marrëveshja me Rusinë dhe manipulimi i votave

Ryshfeti miliona dollarë/ Si e bleu Katari, Kupën e Botës 2022.

Phaedra Almajid kujton ditën në fillim të vitit 2010 kur tre anëtarë të komitetit ekzekutiv të FIFA -s hynë në një dhomë hoteli në Luanda, Angola, për të takuar ekipin që qëndron pas ofertës për Kupën e Botës në Katar.

Si specialiste e medias për fushatën, Almajid nuk kishte asnjë ide për qëllimin e bisedave. Por kur kolegët e saj, i ofruan secilit zyrtar një ryshfet 1.5 milion dollarë në këmbim të votës së tyre, ajo mbeti e shokuar.

"Sapo fillova të qesh histerikisht", thotë Almajid. ‘Në atë moment që kuptova se çfarë po ndodhte, ky ishte ryshfet. Nuk kishte asgjë të jashtëzakonshme në atë moment për ata burra. Si vëzhguese, ishte një moment i jashtëzakonshëm që nuk do ta harroj kurrë. '

Almajid ka folur për dokumentarin “The Men Who Sold the World Cup”, “Burri që shiti Kupën e Botës”, që nxjerr në pah prapaskenat e shitjes së Botërorit 2022.

Caktimi i të drejtës së organizimit të Botërorit të futbollit për Rusinë dhe Katarin ishte një nga çështjet më kontroverse në historinë plot dritëhije të Joseph Blatter në drejtimin e FIFA-s.

Sipas raportimeve, shteti i Katarit fshehurazi ofroi 400 milionë dollarë për FIFA-n vetëm 21 ditë para se të fitonin të drejtën për të mikpritur Kupën e Botës 2022.

Mes Katarit dhe Moskës ka patur edhe një marrëveshje të fshehtë.

"Vladimir Putin përfundimisht e kuptoi se oferta e Rusisë për Kupën e Botës 2018 ishte një projekt prestigjioz dhe kërkonte ta fitonte me çdo kusht.E gjithë kjo për arsye politike," thotë Chris Steele, 57 vjeç, dikur një operativ i MI6 në Moskë.

Steele thotë se marrëveshja midis Katarit dhe Rusisë filloi seriozisht kur zëvendëskryeministri i Rusisë, Igor Sechin dhe ekipi i Rusisë për Kupën e Botës fluturuan të gjithë në Doha, Katar në Prill 2010.

Burimet e Steele i thanë atij se Katari do të investonte miliarda në një marrëveshje për zhvillimin e fushave të naftës në Gadishullin Yamal të Rusisë dhe të dy kombet do të bënin gjithçka që ishte e nevojshme për të fituar mbështetje për ofertat e njëri -tjetrit për të organizuar Kupat e Botës 2018 dhe 2022. Mohammed bin Hammam i Katarit, anëtar i komitetit ekzekutiv të FIFA -s (ExCo) në atë kohë, ndihmoi në ndërmjetësimin e këtij pakti të Dohas.

"Marrëveshja e Gadishullit Yamal, mendoj, i thotë të gjitha," thotë Steele.

Steele vazhdoi të ndihmonte FBI-në në rrëzimin e FIFA-s, së pari, përmes të dhënave që mblodhi gjatë procesit për ofertat e 2018-2022; dhe së dyti, me dëshmi korrupsioni nga një anëtar tjetër i ExCo, Chuck Blazer i Amerikës.

"Blatter ishte me të vërtetë Kumbari i një sistemi të korruptuar që ai kishte krijuar dhe mbikëqyrur," thotë Steele.

Ngjarjet e jashtëzakonshme dhe të dyshimta që u shpalosën në votat për Botërorin 2018 dhe 2022 u parashikuan para se të ndodhnin dhe janë dokumentuar gjerësisht që nga ajo kohë.

Të Dielën e fundit të Nëntorit, 11 vjet më parë, The Mail publikoi një raport të veçantë, i cili parashikoi se një shtet pak i njohur i Lindjes së Mesme, i quajtur Katar, ishte gati të trondiste botën dhe fitojë të drejtën për të pritur Kupën e Botës 2022.

Almajid u citua në mënyrë anonime: "Unë nuk mendoj se Katari do të fitojë 2022. Unë e di se ata do të fitojnë."

Dhe kështu ndodhi. Në një të Premte fatale në Cyrih në fillim të Dhjetorit 2010, një nga grupet sportivë më të korruptuar në histori - 22 burrat që përbëjnë ExCo e FIFA -s - votuan për të dërguar Kupën e Botës 2018 në Rusi, dhe në 2022 në Katar.

Në vitet pasuese, në mënyrë të përsëritur është ekspozuar korrupsioni dhe ryshfeti që kishte mbërthyer në prapaskenë procesin 2018-2022, dhe pothuajse askush nuk doli i pastër: as oferta e Anglisë për vitin 2018 as oferta Spanjë-Portugali për të njëjtin vit, as e Koresë së Jugut për vitin 2022, as e Australisë.

Anglia dhe Australia, për shembull, u përpoqën në mënyrë efektive të korruptonin anëtarin e ExCo, Jack Warner, një kriminel famëkeq nga Trinidad, kur kërkonin pa sukses votën e tij.

Episodet më të guximshme të manipulimit të votave dhe dhënies së ryshfetit u bënë nga forcat në hije që punuan për të siguruar që Rusia 2018 dhe Katar 2022 të bëhen realitet, edhe pse ekipet e tyre zyrtare të ofertave deri më sot këmbëngulin se ata kurrë nuk u përfshinë në ndonjë aktivitet që ishte kundër rregullave të FIFA-s.

Ish -agjenti i FBI –së, Michael Gaeta ndihmoi në mbledhjen e provave se ishin paguar miliona dollarë ryshfet.

"Ajo që është zbuluar deri më tani është një sindikatë e krimit të stilit mafioz," thotë Gaeta.

Provat e forta për pagesat e paligjshme përfshijnë detaje të transferimeve me vlerë prej miliona dollarësh që u zbuluan në dokumentet e padisë amerikane vitin e kaluar. Thuhet se Warner kishte marrë një ryshfet 5 milion dollarë (3.7 milion £) për të votuar për Rusinë.

Kolegut të Warner, Rafael Salguero iu ofrua një ryshfet 1 milion dollarë për të votuar për të njëjtën ofertë. Dokumentet e aktakuzës 2020 gjithashtu detajuan sesi Nicolas Leoz i Paraguait (i cili vdiq në vitin 2019), Argjentinasi Julio Grondona (i cili vdiq në 2014) dhe i korruptuari serial Ricardo Teixeira i Brazilit, të gjithë anëtarë të ExCo, morën miliona dollarë për të votuar që boterori të zhvillohej në Katar.

Një drejtor argjentinas i marketingut sportiv, Alejandro Burzaco, i cili u deklarua fajtor për dhënie ryshfeti shumë zyrtarëve të futbollit, dha dëshmi se vetë Grondona i kishte pranuar atij episodin e ryshfetit në Katar 2022.

Të paktën katër anëtarë të ExCo nga Evropa besohet se kanë votuar për Katarin 2022. Michel Platini i Francës, atëherë shef i UEFA -s, e bëri këtë pasi presidenti francez Nicolas Sarkozy tha se do të ishte mirë për tregtinë. Angel Maria Villar Llona i Spanjës e bëri këtë pasi vendi i tij dhe Katari bënë një pakt të fshehtë votash.

Marios Lefkaritis i Qipros pretendohet se ka votuar për ta si pjesë e një marrëveshjeje që e pa familjen e tij t’i shiste prona Katarit për 27 milionë paund, shumë më e lartë se vlera e saj.

Vitaly Mutko i Rusisë, besohet se ka votuar për Katarin 2022 si pjesë e ‘paktit të Dohas’ të vitit 2010.

Vetë Blatter kujton se ishte tronditur kur mësoi, para votimit, se Katari do të fitonte të drejtat për vitin 2022. I pyetur nëse besonte se Katari kishte paguar ryshfet, Blatter thotë: 'Nuk e di nëse ata kanë paguar, por në futboll, për të marrë Kupën e Botës, gjithçka është e mundur. '

Blatter thotë se Platini e thirri një javë para votimit në Dhjetor 2010 për t'i thënë atij se të paktën katër anëtarë të UEFA ExCo përfshirë edhe veten e tij do të votonin për Katarin pavarësisht se e dinte se Blatter donte që SHBA të organizonte atë turne.

‘[Platini] më tha:“ Diçka ka ndodhur, tani do të jeni në vështirësi [si mbështetës i ofertës së SHBA -së], ”, thotë Blatter. ‘Ai më tha se katër votat e UEFA -s do të shkonin në Katar, dhe se ishte e pamundur që SHBA -ja të fitonte ".

Blatter nuk u shpall kurrë fajtor rreth skandalit të Kupës së Botës.

Nga fundi i dokumentarit, megjithatë, akuza i vihet administratorit zviceran se ai bëri një sy qorr ndaj korrupsionit për të ruajtur një bazë pushteti brenda federatës./ DailyMail - Gazeta SHQIP

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore