Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Rekord historik negativ/ Kombëtarja shqiptare një vit pa fitore! Çfarë do ndodhë me Edy Reja-n

Rekord historik negativ/ Kombëtarja shqiptare një vit pa fitore!

Kombëtarja shqiptare e futbollit pësoi ditën e djeshme humbjen e radhës, teksa u mund me rezultatin 1 me 3 nga Italia, në ndeshjen miqësore të zhvilluar në “Air Albania”.

Ky ishte një tjetër rezultat që i shtohet humbjeve të kuqezinjve nën drejtimin e teknikut italian Edy Reja.  34 janë ndeshjet e Rejas si trajner i kombëtares, nga të cilat 13 janë fitore, 15 humbje e 9 barazime. Me 43 gola të shënuar e 45 të pësuar, për 48 pikë në total.

Reja e drejtoi skuadrën edhe në 8 takime kualifikuese të Europianit 2020, 6 në Ligën e Kombeve në divizionin C, ku arritja e vetme ishte rekordi pozitiv në kualifikueset e Botërorit me 18 pikët e marra në 10 ndeshje.

Ndërkohë, fakt është se kombëtarja e Shqipërisë ka 1 vit pa fitore, ku suksesi i fundit daton më 15 nëntor, ndeshja ndaj Andorra-s përfunduar me shifrat 1-0.

Mister mbetet ende e ardhmja e Rejas, të cilit kontrata i përfundon në fund të muajit nëntor. Me rezultatet negative nuk duhet të ketë rinovim, megjithatë deklaratat e kreut të FSHF, Armand Duka, kanë lënë hapësirë dhe dyshime për një rinovim.

Nga ana tjetër është folur për emra italianë e kroatë, që nga Di Biagio deri tek Giampaolo, të cilët mund t’i zënë vendin. Kjo gjë do të mësohet vetëm nga fundi i nëntorit, ndërsa Reja pritet ta drejtojë ekipin edhe në miqësoren e fundit ndaj Armenisë, më 19 nëntor. 

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore