Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Real Madrid mposhtet nga Athletic Bilbao, Raul Garcia çon baskët në finale ndaj Barcelonës

E Premte 15 Janar 2021, 09:23 Gazeta Shqip

Real Madrid mposhtet nga Athletic Bilbao, Raul Garcia çon baskët

Athletic Bilbao ka kaluar në finale të Superkupës së Spanjës, pas fitores ndaj Real Madrid me rezultat 2-1.

Tani baskët do të luajnë në finale me Barcelonën pas tri ditësh. Ndeshja nisi më mirë për Bilbaon që shënuan në rastin e tyre të parë serioz në minutën e 18-të.

Ishte Raul Garcia që shënoi gol pasi pranoi një top në zonë dhe me një gjuajtje të bukur gjeti rrjetën. Real Madrid tentoi të kthehet në lojë me Marco Asension, por pa sukses.

Në minutën e 37-të të takimit Lucas Vazquez pengoi në zonë një lojtar bask dhe gjyqtari akordoi penallti.

Ishte sërish Raul Garcia që shënoi, kësaj radhe golin e dytë.  Me këtë rezultat u mbyll pjesa e parë, ndërsa në të dytën pritej një trysni më e madhe e Realit.

Por rastin e parë të mirë e kishte Bilbao me Iker Munain, që nuk ishte i saktë. Asensio rrezikoi dy herë, por pa sukses, ndërsa Real Madrid po i afrohej golit.

Ndeshja u hap në minutën 73 kur Casemiro pasoi me kokë te Karim Benzema i cili shënoi nga afër për 2-1. I njëjtë shënoi edhe një herë, por kësaj radhe u anulua për pozicion jashtë loje.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore