Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Përfundon dënimi, Pirlo rikthen në grup tre futbollistë para Napolit

Përfundon dënimi, Pirlo rikthen në grup tre futbollistë para

Duke parë rëndësinë e sfidës me Napolin të mërkurën në mbrëmje, Andrea Pirlo ka bërë një hap pas dhe ka rikthyer në grup tre futbollistët e pezulluar pasi morën pjesë në një festë të ndërprerë vetëm nga ndërhyrja e policisë italiane.

Bëhet fjalë për Paulo Dybalën, Arthur dhe Weston McKennie, të cilët u gjetën në një festë të paligjshme në shtëpinë e amerikanit dhe u lanë jashtë derbit me Torinon, si dhe u gjobitën nga klubi bardhezi. Të tre u stërvitën me skuadrën ditën e djeshme dhe do të vijojnë të punojnë rregullisht deri të martën në mbrëmje, ndërsa më pas trajneri Pirlo do të vlerësojë gjendjen e tyre për t’i përfshirë ose jo në formacionin e ndeshjes ndaj Napolit.

Situata te Juventusi nuk është aspak e qetë, pasi në dy ndeshjet e fundit në kampionat ka marrë vetëm një pikë dhe jo vetëm ka dalë plotësisht nga gara për titullin kampion, por rrezikon edhe arritjen e një vendi në zonën Champions.

Aktualisht bardhezinjtë dhe Napoli janë në kuotë të barabartë pikësh, 56 secila dhe ndeshja direkte do të vendosë jo pak sa i përket garës për zonën Champions, duke qenë se jemi futur në çerekun e fundit të kampionatit.

Përveç Juves, kjo ndeshje është me rëndësi të veçantë edhe për trajnerin Andrea Pirlo, pasi besimi ndaj tij është në nivele minimale dhe në Itali janë të bindur që në rast rezultati negativ ndaj Napolit, do të shkarkohet menjëherë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore