Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Përdhunoi shqiptaren/ Robinho rrezikon burgun, a do ekstradohet ish-sulmuesi?

Përdhunoi shqiptaren/ Robinho rrezikon burgun, a do ekstradohet

Ish-sulmuesi i njohur brazilian Robinjo, mund të përfundojë pas hekurave për dënimin që mori pas gjyqit për përdhunimin e një shtetaseje shqiptare në një klub në Milano në vitin 2013, kur ishte ende pjesë e Milanit.

Edhe pse shteti brazilian refuzon ekstradimin e tij në Itali ku u dha dënimi me 9 vite burg, ish-lojtari mund ta vuajë këtë dënim në vendin e tij.

Flavio Dino, Ministri i Drejtësisë në Brazil, ka folur rreth kësaj çështje dhe ka konfirmuar se kjo çështje do të merrej shumë shpejt në shqyrtim.

“Kushtetuta braziliane na ndalon ekstradimin e shtetasve brazilianë të lindur këtu. Por tani mund të kryhet ky dënim në Brazil. Më parë, çështja e tij duhet shqyrtuar nga organet përkatëse”, tha ai.

Shteti italian i ka kërkuar zyratrisht Brazilit që Robinjo të vuajë këtë dënim dhe ministri brazilian konfirmoi se sipas procedurës, e gjithë çështja e tij do të analizohet nga autoritetet përkatëse juridike në vend për çështje të tilla.

“Nuk do të jetë një çështje politike”, siguroi ai duke shtuar se “qëndrimi ynë i përgjithshëm është se çdo krim, nga kushdo qoftë kryer ai, duhet ndëshkuar”.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore