Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Pas vaksinimit masiv, Anglia rikthen tifozët në stadiume

E Martë 23 Shkurt 2021, 12:56 Gazeta Shqip

Pas vaksinimit masiv, Anglia rikthen tifozët në stadiume

Ndërsa kryeministri britanik, Boris Johoson, shpalosi planin e rihapjes nga kufizimet e pandemisë, falë masave të reja “përfiton” edhe futbolli.

Prej datës 17 maj, stadiumet në Angli mund të mirëpresin sërish mbështetësit në shkallët e tyre. Lajmi u bë i ditur pikërisht nga kreu i qeverisë që përmes hapave të radhës që Mbretëria e Bashkuar ka marrë për daljen nga izolimi do të bëhet i mundur rikthimi i publikut në stadiume.

Kapaciteti që do të kenë impiantet është i njëjtë me atë të rikthimit të parë të tifozëve, në vjeshtën e vitit që lamë pas, rreth 25% ose ndryshe, mesatarisht deri në 10 mijë spektatorë në një ndeshje. Numri ekzakt i tyre ndryshon në varësi të madhësisë që ka secili stadium.

Megjithatë, përtej lajmit të mirë mbështetësit që do të kenë fatin të gjejnë një vend mes shkallëve, do të ndjekin vetëm një ndeshje të këtij sezoni pasi data e rikthimit përkon me javën e fundit të kampionatit.

Aksesi në stadium ndërkohë mund të vijë prej 15 majit në finalen e FA Cup. Kthimi i tifozëve në futboll pritet t’i hapë rrugën të njëjtës procedurë edhe me eventet e tjera sportive si Wimbledon në tenis apo Çmimit të madh të Silverstone në Formula 1.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore