Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

OFERTA/ Një milion dollarë për pelerinën që i dhanë Messit, pasi fitoi Kupën e Botës!...

E Shtunë 24 Dhjetor 2022, 15:49 Gazeta Shqip

OFERTA/ Një milion dollarë për pelerinën që i

Në prezantimin e trofeut të Kupës së Botës, pas fitores së Argjentinës ndaj Francës në finale, Lionel Messit iu ofrua një pelerinë tradicionale arabe, që vishet në raste të rëndësishme, që simbolizon nderin dhe respektin.

Messi e lejoi Sheikh Tamim bin Hamad Al Thani t’i hidhte mantelin mbi supe përpara se t'i merrte trofeun e Kupës së Botës nga presidenti i FIFA-s, Gianni Infantino dhe ta ngrinte atë përpara pjesës tjetër të shokëve të tij të skuadrës.

Tani, Ahmed Al Barwani, një avokat nga Omani, i ka ofruar ‘Pleshtit’ deri në një million dollarë për tunikën e përmendur. "Miku im Messi, të përgëzoj për fitoren. Po të ofroj një milion dollarë për të ma dhënë atë bisht,"- i ka shkruar ai shtatë herë fituesit të “Topit të Artë” përmes Twitter. 

Në një intervistë për ‘The National’, avokati shprehu krenarinë e tij që e pa botën arabe të ekspozuar kaq pozitivisht: "Ky turne ka qenë një burim krenarie dhe ka nxjerrë në pah fakte të rëndësishme, për faktin se ne nuk e kemi harruar Palestinën dhe se arabët janë të bashkuar."

Për çfarë e do bishtin? Juristi në fjalë dëshiron ta ketë këtë veshje, por jo ta veshë: “Do të shfaqet për të përkujtuar këtë moment krenarie dhe për të na ndihmuar që ta rijetojmë atë. Dhe gjithashtu, për të na kujtuar, se ne mund të bëjmë gjithçka. Isha në stadium për të dëshmuar live momentin në të cilin emiri i Katarit i dha pelerinën Messit”,- thotë Al Barwani. Për momentin argjentinasi nuk i ka dhënë asnjë lloj përgjigje ...

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore