Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Newcastle nuk di të fitojë në këtë sezon, “qymyrxhinjtë” mbeten të fundit në klasifikim

Newcastle nuk di të fitojë në këtë sezon,

Kanë luajtur 14 ndeshje në këtë sezon të Premier League, megjithatë kolona e fitoreve te Newcastle do të mbetet në zero edhe pas ndeshjes së mbrëmjes së sotme ndaj Norwich. “Qymyrxhinjtë” nuk shkuan dot më shumë se një barazim 1-1 në shtëpi përballë “kanarinave”, ndërsa në fund rrezikuan edhe ta humbisnin sfidën. Në fakt, ndeshja nisi e komprementuar për Newcastle duke qenë se në minutën e nëntë, mbrojtësi Clark u ndëshkua me karton të kuq pasi pengoi kundërshtarin i cili po shkonte i vetëm drejt portës.

Gjithsesi, pasi kaluan momentin e vështirë, vendasit arritën ta baraspeshonin sfidën ndërsa pjesa e parë u mbyll në barazim pa gola. Në fraksionin e dytë, të besuarit e trajnerit Eddie Howe e gjetën golin me realizimin që erdhi falë një 11-metërshi të akorduar nga VAR, teksa nga pika e bardhë u paraqit Wilson. Portieri Krul kuptoi krahun dhe e devijoi sferën, por nuk arriti të shmangte golin.

Megjithatë, miqtë gjetën forcat për të reaguar dhe në minutën e 79 barazuan me sulmuesin e tyre kryesor Teemu Pukki. Finlandezi shënoi një gol të bukur pas pasimit të grekut Giannoulis, teksa nuk i la shans reagimi gardianit Dubravka.

Në fund, Norwich iu afrua ndjeshëm golit të fitores, por u ndalën nga gardiani Dubravka që mbajti të tijtë në lojë dhe iu dhuroi një pikë. Pas këtij 90-minutëshi, Newcastle mbetet në vendin e fundit të renditjes me vetëm shtatë pikë të grumbulluara ndërsa Norëich e sheh veten në vendin e 18-të me 10 pikë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore