Merret vendimi/ Dani Alves mbetet në burg, dënimi që rrezikon të marrë futbollisti

Tronditje në botën e futbollit. Siç u bë e ditur, futbollisti Dani Alves po dërgohet në burg me rekomandim të prokurorit të Barcelonës, pasi një grua u ankua se ai e kishte sulmuar seksualisht në një klub të qytetit.

Policia e çoi atë në gjykatën e Barcelonës, teksa prokurorët kërkojnë që ai të mbahet në burg, dhe nëse gjykata e pranon këtë kërkesë, ai rrezikon disa vite burg.

Në ankesën e saj, gruaja pretendon se futbollisti brazilian e ka prekur nën të brendshme, pa pëlqimin e saj, në klubin e natës Sutton në Barcelonë, ku e ka takuar atë në një festë.

E shoqëruar nga miqtë e saj, gruaja ka denoncuar se çfarë kishte ndodhur me punonjësit e sigurisë së klubit të natës, të cilët kanë aktivizuar protokollin përkatës për këto raste dhe kanë njoftuar policinë katalanase.

Dy ditë pas sulmit të dyshuar seksual, gruaja ka denoncuar futbollistin për ngjarjet, ndërsa prokuroria ka vendosur ndalimin e tij.