Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Liverpool rikthehet te fitorja në kampionat, mposht Arsenalin

Liverpool rikthehet te fitorja në kampionat, mposht Arsenalin

Ndonëse ka hequr dorë nga titulli kampion, Liverpool nuk mund të bëjë të njëjtën gjë edhe me zonën Champions, ndaj reagoi në mënyrë perfekte dhe triumfoi me rezultatin e pastër 0-3 në transfertën ndaj Arsenalit.

Në sfidën e parë pas ndërprerjes në favor të kombëtareve, të besuarit e Jurgen Klopp ia dolën të marrin një fitore mjaft të rëndësishme, që i ngjit në vendin e 5-të me 49 pikë, vetëm dy më pak se Chelsea i vendit të katërt.

Liverpool e nisi vrullshëm ndeshjen dhe krijoi disa mundësi shënimi, por forma e mirë e gjermanit Leno dhe në disa momente mungesa e fatit, bëri që pjesa e parë të mbyllej në barazim pa gola. Sfida u zhbllokua vetëm në minutën e 64-t, kur pas një pasimi të Alexander-Arnold, ishte portugezi Diogo Jota që dërgoi topin në rrjetë, ndërsa 4 minuta më vonë shënoi edhe Mohamed Salah, duke u dhënë qetësinë “the reds”.

Për të mbyllur llogaritë e ndeshjes mendoi sërish portugezi Jota, që shënoi edhe golin e tretë në minutën e 82-të, pas një asisti të bukur të Sadio Mane, ndërsa Arsenali tregoi sërish limite dhe konfirmoi se është ende larg të luajturit si e barabartë në nivele të tilla.

Me humbjen e sotme Arsenali heq dorë përfundimisht nga pretendimet për një vend në Europë, ndërsa gara për zonën Champions bëhet shumë interesante, pasi momentalisht janë plot 5 skuadra që do të garojnë për një vend.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore