Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Letra mallëngjyese e një fëmije drejtuar FIFA-s: Zotërinj të futbollit, pse nuk më lejoni të luaj...

E Shtunë 4 Shkurt 2023, 10:44 Gazeta Shqip

Letra mallëngjyese e një fëmije drejtuar FIFA-s: Zotërinj

Souleymane është një djalë 11-vjeçar me origjinë afrikane, i cili nuk e kupton pse nuk mund të luajë me klubin e Tenerifes, me të cilin stërvitet prej gati dy vitesh. I lodhur nga premtimet e FIFA-s, e cila ende nuk ka siguruar një dosje federate, Souleymane ka vendosur të shkruajë një letër me dorën e tij drejtuar qeverisë botërore të futbollit. “Zotërinj të futbollit, unë jam një djalë 11-vjeçar që dua të luaj”, – fillon ai.

Në mesazh thuhet si vijon: “Letër zotërinjve të futbollit. Unë jam një djalë 11 vjeç që dua të luaj futboll. Kam gati dy vite që stërvitem dhe punoj shumë që të mund të luaj së shpejti me shokët e mi. Ata duan që edhe unë të luaj dhe më pyesin sa herë munden. Më pëlqen shumë të luaj si mesfushor, gjithmonë jap maksimumin në stërvitje.

Gjithashtu më pëlqen të mësoj si të luaj në ekip. Ata nuk më lënë të luaj dhe unë nuk e kuptoj pse. Për shkak të kësaj situate, ndonjëherë ndihem i trishtuar, zemërohem me FIFA-n. Shokët e mi të skuadrës janë të njëjtët fëmijë me të cilët shkoj në shkollë, luaj dhe ndaj shumë gjëra. Ata janë shokët e mi të përditshëm.

Nuk e kuptoj pse i lënë ata të luajnë dhe jo mua. I vetmi ndryshim është se unë jam me ngjyrë (i zi) dhe i lindur në Afrikë. Kjo është më e pakta që duhet të ketë rëndësi, por fatkeqësisht ka. Për një kohë të gjatë, çdo javë pyesja nëse mund të luaja ndeshjen tjetër.

Ishte një moment kur munda, kur nëna ime ia dorëzoi dederatës të gjitha letrat. Unë shpresoja, por në fund FIFA tha jo. Tani më thonë se gjërat kanë ndryshuar, por nuk dua të festoj asgjë derisa të luaj”.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore