Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Komplikohet rinovimi i Donnarummës, ja objektivi i ri i Milan

Komplikohet rinovimi i Donnarummës, ja objektivi i ri i Milan

Pavarësisht negociatave të vazhdueshme muajt e fundit, Gianluigi Donnarumma dhe Milani duken ende larg marrëveshjes për një kontratë të re, duke qenë se aktualja skadon në fund të sezonit.

Kuqezinjtë janë gati t’i ofrojnë një kontratë të re 56-vjeçare, me pagë 7 milionë euro në sezon, plus bonuset, ndërsa nga ana tjetër gardiani italian dhe menaxheri i tij Raiola kërkojnë 10 milionë euro neto, plus bonuset. Kjo shifër është shumë e lartë për arkat e klubit milanez, që për të mos mbetur i papërgatitur në verë, ka gati edhe planin B, pasi po studion mundësinë e afrimit të portierit francez Mike Maignan, ndërsa lajmi është konfirmuar edhe “L’Equipe”.

Gardiani 26-vjeçar është rritur në ekipet e moshave të PSG-së dhe prej vitit 2015 është pjesë e Lille, ku me paraqitjet mjaft të mira, ka tërhequr vëmendjen e disa klubeve europiane. Maignan ka kontratë deri në verën e 2022-shit dhe Lille dëshiron ta shesë në fund të sezonit për të mos e humbur me parametra zero, ndërsa vlera e kartonit të tij llogaritet rreth 10-15 milionë euro.

Megjithatë Milanit do t’i duhet të mposhtë konkurrencën e londinezëve të Tottenhamit, që e shohin Maignan si zëvendësuesin e duhur të Hugo Lloris dhe kanë nisur prej muajsh negociatat me menaxherët e tij.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore