Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Koeman: Kjo skuadër di të vuajë, fitojmë ndeshjet e mbetura dhe titullin

Koeman: Kjo skuadër di të vuajë, fitojmë ndeshjet e mbetura

Një gol i Ousmane Dembele në minutën e 90’ të ndeshjes i mjaftoi Barcelonës për të triumfuar me rezultatin minimal 1-0 ndaj Valladolidit në “Camp Nou” dhe të ngjitet në vendin e dytë të renditjes me vetëm dy pikë më pak se Atletico e Madridit që kryeson.

Katalanët kanë regjistruar 6 fitore radhazi në kampionat dhe kanë rikuperuar ndjeshëm terren, duke qenë se pak javë më parë askush nuk i llogariste si kandidatë për të fituar titullin, ndërsa trajneri Koeman u shfaq mjaft entuziast për paraqitjen në ndeshjen ndaj Valladolid. “Ishte një ndeshje e vështirë, si të gjithë takimet që luhen menjëherë pas grumbullimeve të përfaqësueseve. Megjithatë skuadra këmbënguli deri në fund për të gjetur fitoren dhe ia dolëm të shënojmë një gol me mjaft vlera”, u shpreh trajneri holandez.

Të shtunën në mbrëmje Barcelona do të jetë mysafire në Madrid, për t’u përballur me Realin e vendit të tretë, në një “El Classico” speciale, ndërsa Koeman është optimist që katalanët mund të fitojnë të gjithë ndeshjet e mbetura dhe të ngrenë lart titullin kampion.

“Ka ndeshje ku gjithçka shkon mirë dhe shënon shumë gola, por ka të tjera kur duhet të dish të vuash dhe të presësh mundësinë tënde. Kjo ndaj Valladolidit ishte një prej tyre, ku pavarësisht vështirësive, skuadra nuk u dorëzua për asnjë moment deri sa gjeti golin e fitores. Kjo skuadër me bind dhe besoj se mund të fitojmë të gjithë ndeshjet e mbetura, për të ngritur lart titullin kampion më pas”, deklaroi Koeman.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore