Inter vulos derbin e merr "arratinë", Milani dhe Ibra jo në lartësinë e duhur

E Diel 21 Shkurt 2021, 17:32 Gazeta Shqip

Inter vulos derbin e merr "arratinë", Milani dhe Ibra jo në

Interi ka fituar derbin ndaj Milanit dhe tashmë i shkëputet katër pikëve kuqezinjve, duke hedhur një hap të rëndësishëm sa i përket betejës për titullin kampion, edhe pse ka ende shumë ndeshje për të luajtur.

Dyshja Lautaro-Lakaku ishin derteninues në këtë ndeshje, me argjentinasin që më në fund shkëlqen duke shënuar dy gola në derbi. Interi fiton në fushën e Milanit me rezultatin 3 me 0 dhe ku padyshim nuk kishte se si Lukaku mos të linte firmën e tij në këtë ndeshje.

Goli i parë erdhi falë insistimit të Lukakut në minutën e 5-të, belgu gjuan në portë, pret Donaruma dhe topi i kthehet sërish, ai e kroson në zonë dhe Lautaro e ka të lehtë të përshendësë rrjetën. 30 minuta të para që flasin për zikaltërit, ndërsa Milani duket se e merr veten me anë dhe rastin më të artë e pati me anë të Theo Hernandez, por i pafat.

Pjesa e parë mbyllet me avantazhin minimal të interistëve. Në të dytën vjen shpejt goli i dytë për Interin dhe nga i përhershmi Lautaro Martinez, falë një super aksioni nga ana e Hakimit, i cili kombinon në fushë me Eriksen ai e kalon te Persiç në zonë që ia pason për argjentinasit në të 57-ën minutë. Derbi jep sinjale se vishet zikaltër.

Ndërkohë Lukaku tundi rrjetën në të 66-tën dhe vulosi shifrat 3-0 dhe “shpërfytyrimin”e Milanit në derbi. Me këtë triumf Interi shkëputet me 4 pikë më shumë se kuqezinjtë në krye pas 23 javësh.