Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Futbolli shqiptar në "hall"/ Përmbyten fushat, shtyhen kategoria e parë dhe e dytë

E Martë 12 Janar 2021, 10:11 Gazeta Shqip

Futbolli shqiptar në "hall"/ Përmbyten fushat, shtyhen

Kategoria e Parë dhe e Dytë e futbollit shqiptar janë shtyrë. Edhe pse ishte programuar që këtë javë të riniste futbolli inferior, FSHF-ja ka dalë me një vendim të beftë. Shirat e dendur që kanë rënë në të gjithë territorin e Shqipërisë gjatë javës së fundit, kanë përmbytur pjesën dërrmuese të stadiumeve.

Të vetmet impiante që kanë “shpëtuar”, janë ato me bar sintetik. Të gjitha të tjerat me bar natyral janë rënduar dhe është e pamundur që ekipet të zbresin në fushë për të luajtur javën e 10-të dhe atë të 9-të në të dyja ligat.

Janë të paktën 23 klube që janë vënë në hall, ndaj Komiteti Ekzekutiv ka dalë në këtë vendim. Rifillimi është pezull, pasi gjithçka varet prej kushteve atmosferike.

Nisja me vonesë e sezonit futbollistik në Shqipëri po jep pasojat e veta. FSHF-ja nuk i ka bërë aspak mirë llogaritë me bojkotin që zgjati më shumë se dy muaj. Vendimi që mori Liga Profesioniste, preku edhe Kategorinë e Parë e të Dytë, raporton Panorama.

Në një kohë që këto kampionate mund të kishin nisur që në fund të gushtit apo në nisje të shtatorit, startuan në nëntor. Duke mos ditur kur do të përmirësohet moti, edhe inferiorja duhet të parapërgatitet për ngjeshje ndeshjesh.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore