Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Friedkin shqetësohet për ecurinë e Romës, takohet me trajnerin Mourinho

Friedkin shqetësohet për ecurinë e Romës, takohet me

“Roma nuk është ndërtuar në një ditë”. Këtë shprehje mbarëbotërore e di mirë edhe pronari i klubit të Romës, Dan Friedkin, që pavarësisht rezultateve negative të verdhekuqve në javët e fundit, ka konfirmuar mbështetjen maksimale ndaj Jose Mourinhos.

Bosi amerikan i verdhekuqve ka bërë një takim me trajnerin në një moment negativ, ku skuadra ka humbur 7 nga 17 ndeshjet e fundit dhe jo vetëm që i ka konfirmuar besimin, por ka folur edhe për planet e merkatos.

Ecuria e Romës sigurisht që nuk ka qenë nga më të mirat dhe në takimin mes palëve, është evidentuar edhe fakti që verdhekuqtë kanë një mesatare prej 1.56 pikësh për ndeshje, aq sa më keq kanë bërë vetëm dyshja Luis Enrique-Zeman.

Thënë këtë, për momentin besimi ndaj Jose Mourinhos nuk vihet në dyshim, megjithatë presidenti Friedkin është përpjekur të zgjojë sadopak ambientin verdhekuq, për të rikthyer edhe njëherë entuziazmin e fillim-sezonit.

Sa i përket merkatos, tekniku portugez ka marrë premtimin se klubi do të provojë t’i sjellë një qendërmbrojtës të besueshëm në merkaton e janarit, si dhe një mesfushor me eksperiencë, të cilëve padyshim do t’u bashkohet edhe mbrojtësi i majtë Leonardo Spinnazola, i cili është drejt rikuperimit.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore