Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Çfarë po ndodh të Napoli? Gattuso përjashton nga stërvitja mbrojtësin

E Shtunë 6 Mars 2021, 01:07 Gazeta Shqip

Çfarë po ndodh të Napoli? Gattuso përjashton nga

Tek ekipi i Napolit situata nuk duket e qetë.  Barazimi i beftë në transfertën ndaj Sassuolos, me një penallti naive të shkaktuar nga mbrojtësi grek Kostas Manolas në sekondat e fundit të kohës shtesë, ka rritur ndjeshëm tensionin në klubin e Napolit.

Menjëherë pas ndeshjes u pa trajneri Gattuso që të debatonte ashpër me mesfushorin Bakayoko, ndërsa edhe Lorenzo Insigne reagoi mjaft ashpër ndaj shokëve të skuadrës, duke lënë fushën e lojës mjaft i tensionuar.

Megjithatë asgjë nuk ka përfunduar në “Mapei Stadium”, pasi edhe me rikthimin e skuadrës në Napoli, nervat vijojnë të jenë të tendosura dhe trajneri Gattuso ka pasur një tjetër përplasje në stërvitje, këtë herë me mbrojtësin portugez Mario Rui.

Sjellja e këtij të fundit në stërvitje, nuk i ka pëlqyer trajnerit, që ka reaguar dhe e ka larguar nga fusha para kohe, një sinjal ky mjaft i qartë i tensionit të lartë që mbizotëron në skuadër vetëm pak ditë para ndeshjes me Bolognën në stadiumin “Diego Armando Maradona”.

Ky është ndëshkimi i dytë që trajneri Gennaro Gattuso jep për futbollistin portugez brenda një kohe të shkurtër, pasi edhe nëntorin e kaluar, sërish para ndeshjes me Bolognën, përjashtoi nga stërvitja si Mario Ruin, ashtu edhe Ghoulam.

Nuk dihet ende nëse trajneri do të grumbullojë mbrojtësin portugez për ndeshjen ndaj Bolognës, megjithatë situata në kampin napolitan duket mjaft e rënduar dhe i takon Gattusos të rikthejë menjëherë qetësinë, pasi “treni që të çon në zonën Champions, nuk pret më”.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore