Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Akuzohet se trafikoi 2 ton kokainë, 11 vite burg për ish-futbollistin e Premier Ligës

E Diel 4 Prill 2021, 16:28 Gazeta Shqip

Akuzohet se trafikoi 2 ton kokainë, 11 vite burg për ish-futbollistin

John Viafara, ish-futbollist i Sauthempton e Portsmuth, është dënuar nga një gjykatë në Teksas me 11 vite burg, pasi u akuzua se është pjesë e një rrjeti ndërkombëtar për trafikun e drogës. Kolumbiani, i cili ka luajtur 34 ndeshje me përfaqësuesen e vendit të tij, u ndëshkua nga gjykata pasi u vërtetua lidhja e tij me një nga kartelet më të madha të trafikut të drogës në vendlindje.

Viafara, tashmë 42-vjeçar, pranoi para gjykatës në nëntor se kishte qenë pjesë e marrëveshjes për të trafikuar 5 kilogram kokainë në SHBA dhe u ekstradua në SHBA. Por atje e pritnin dhe akuza të tjera më të rënda, pasi prokuroria kishte prova se ai ka qenë pjesëmarrës në importimin e 2 ton kokainë në SHBA, për një shifër që arrin rreth 30 milion dollarë.

Hetuesit shpjeguan se ish-futbolliste kishte organizuar trafikun bashkë me pjesëtarët e karteleve të Gjirit të Meksikës për të dërguar anije me kokainë nga Kolumbia në Meksikë dhe prej andej t’i kalonin në SHBA. Hetimet rreth tij kishin filluar tre vite më parë.

“I akuzuari në këtë rast i kishte të gjitha, famën ndërkombëtare, pasurinë dhe statusin. Por pavarësisht kësaj, ai zgjodhi të përdorte talentet që të avanconte në zanatin e keq të tregtisë së drogës”, shpjegoi prokurori amerikan Nikolas Ganjel. Gjatë karrierës së tij, Viafara luajti në 10 klube të ndryshme, mes të cilëve edhe Once KaJdas, me të cilin fitoi në vitin 2004 Kupën Libertadores.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore