Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

" Ai ka ikur, është e kaluara"/ Ten Hag nuk përmbahet për Ronaldon: Fajtor ishte...

" Ai ka ikur, është e kaluara"/ Ten Hag nuk përmbahet

Largimi i Cristiano Ronaldos nga Manchester United ka qenë i diskutueshëm për disa muaj përpara se të ndodhte për shkak të përkeqësimit të marrëdhënieve të tij me trajnerin Erik Ten Hag.

Pas deklaratave të tij të diskutueshme në një intervistë me Piers Morgan, ku ai kritikoi holandezin, largimi i tij ishte i shpejtë. United nuk priti as merkaton e dimrit për ta transferuar, përkundrazi të dyja palët vendosën të ndërpresin kontratën që skadon verën e ardhshme.

Tani, për herë të parë që nga ai vendim, Ten Hag ka dhënë një intervistë ku ka folur për largimin e portugezit. Ai la të kuptohej se kishte të bënte më shumë me Ronaldon jashtë fushës sesa me paraqitjet e tij në të.

Ai ka ikur dhe është e kaluara. Tani po shohim përpara dhe po shikojmë nga e ardhmja”, tha Ten Hag për MUTV në një kamp stërvitor në Spanjë.

Ten Hag, pa përmendur emrin e Ronaldos, la të kuptohet se personaliteti i portugezit mund të kishte qenë një faktor në largimin e tij.

“Ne shikojmë – dhe me lojtarët e futbollit është e qartë se kjo është gjëja e parë – aftësitë që ka një lojtar”, tha ai.

“Qenia njerëzore prapa është gjithashtu një faktor i rëndësishëm, por nuk mund ta nënvlerësosh këtë. Kemi nevojë për personazhet e duhura në dhomën e zhveshjes, jo vetëm nëse do të fitosh një lojë, por nëse do të fitosh trofe”, tha Ten Hag.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore