Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Zgjerimi i Greqisë me 12 milje në detin Jon, reagon Myslym Pashaj: Tirana duhet të jetë vigjilente, ndryshe Shqipëria dëmtohet

Zgjerimi i Greqisë me 12 milje në detin Jon, reagon Myslym Pashaj:

 

Njeriu që zbuloi kleçkën që dëmtonte Shqipërinë në paktin e detit me Greqinë në vitin 2009, sërish është skeptik për vendimin e marrë nga qeveria e Athinës për t'u zgjeruar nga 6 deri në 12 milie në Detin Jon.

Pashaj, i cili e ndjek këtë çështje me detaje, thekson për Gazeta “Shqip” se ky vendim ka kohë që është marrë dhe fton Tiranën zyrtare të jetë vigjilente.

“Ka probleme dhe veçori për kushtet e Shqipërisë në Otranto dhe kanalin e Korfuzit. Shqiptarët në këto kushte ende nuk e dinë dhe ku u kanë Zonën Ekskluzive Ekonomike. Ndaj harta dhe pozicionimi i ishullit Othonoi është për t’i trajtuar midis të dyve, ngaqë jemi në një kufi të Detit Teriitorial dhe ZZE”, thekson Pashaj për gazetën “Shqip”.

Eksperti i njohur i çështjes së hartografisë së kufijve detare thekson se do të japë një qëndrim më të shtjelluar këtë çështje së shpejti, pasi ta studiojë me hollësi. Prononcimin e dha nga telefoni, ndërsa po pinte kafenë e mëngjesit me familjen në këtë ditë Krishtlindjesh.

Greqia ka miratuar dekretin për zgjerimin nga 6 deri në 12 milje në detin Jon. Media greke “Protothema” shkruan se qeveria greke po i dërgon kështu një mesazh Turqisë.

Dekreti presidencial është miratuar pasi u paraqit në Gjykatën Supreme nënshkruar nga Kryeministri dhe anëtarët e Këshillit të Ministrave.

Kolonel Pashaj pas këtij reagimi të parë dha një qëndrim më të plotë për Gazeta "Shqip", të cilin po e publikojmë më poshtë të plotë.

Qeveria greke, ka konfirmuar zyrtarisht se kryefjalën e saj detare, në aspektin e të Drejtës Detare Ndërkombëtare pra: zgjerimin e Detit Territorial nga 6 milje në 12 milje.

Po të gërmohet më tej, jam i sigurt se ka edhe një hartë zyrtare që nga Qipro, Kreta, e kundruall Italisë, deri në Otranto,ishulli Othonoi,  e në këtë hartë është vizatuar në mënyrë grafike dhe me koordinata Gjeografike, shtrirjen e 12 md. Në këtë hapësirë shumë të gjatë, realizohet pa problem zgjerimi në 12 milje detare, sepse hapësira detare midis shteteve është e ndarë me marrëveshje, e nuk ka problem shtrirjeje, ndërsa midis Shqipërisë dhe Greqisë, hapësira detare nuk është e ndarë, mbasi marrëveshja e vitit 2009 nuk ekziston.

Kështu, pa ndarje të kësaj hapësire në pjesën ku takohen vija e Detit territorial të Greqisë me atë të Shqipërisë (çka takohet me ZZE) nuk bëhet fjalë që të shtrijë Greqia detin Territorial në 12 milje detare. Kjo lidhet me pozicionimin e të drejtës së Ishullit Othonoi, se çfarë efekti do t’i jepet atij, “I plotë”, “gjysmë efekt”, apo “çerek efekt”. Të gjitha këto ndryshime sjellin nevojën se të dy qeveritë duhet të bëjnë marrëveshje për këtë takim të këtyre hapësirave tek Ishulli Othonoi. Ndryshe çdo veprim shtrirës i detit territorial në 12 milje është “pushtim i Hapësirave Ekonomike Ekskluzive në Otranto në dëm të Shqipërisë. Askund nuk kemi dëgjuar deklarata të Greqisë, se ajo do të pranojë që të ndajë këtë hapësirë me parimi e “ekite-së” lidhur me praninë e ishujve.

Në këtë kushte qeveria shqiptare e ka “dorëzuar” detin e saj në Gjykatën Ndërkombëtare të Hagës, çka është një kompleks veprimesh të cilave nuk u dihet e nesërmja e tyre. Qeveria me sa duhet e ka lënë në dorë të Hagës, por ka harruar se me shtrirje te Greqisë në 12 milje detare, ka ca veprime të përbashkëta që duhen zgjidhur. Duhet kërkuar Harta e në të mund të përcaktohet seç veprime jashtë të Drejtës detare Ndërkombëtare kanë ndodhur.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore