Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

Ndodhej tek burgu “313” për aferën e inceneratorëve/ Kush ishte Enver Sheshi dhe akuzat që rëndonin mbi të

Ndodhej tek burgu “313” për aferën e inceneratorëve/

Ka ndërruar jetë nga arresti kardiak 59-vjeçari, Enver Sheshi i arrestuar për inceneratorin e Fierit.

Gazeta Shqip ka raportuar ditëne  sotme se Sheshi ka ndërruar jetë në urgjencën e spitalit të QSUT.

Bëhet me dije nga burime për mediat se Sheshi, ndodhej në burgun 313 dhe mendohet se si pasojë e infarktit, ndërroi jetë një orë pasi mbërriti në urgjencën e QSUT.  

Sipas detajeve të bëra publike mësohet se Enver Sheshi doli nga ambientet e burgut rreth orës 16:15 dhe ndërroi jetë një orë më vonë në urgjencë. 

Ndërkohë sjellim në vëmendje se Enver Sheshi, ishte i akuzuar për veprën penale “Krijimi i skemave mashtruese në lidhje me tatimin mbi vlerën e shtuar”.

Pritet ekspertiza për të përcaktuar shkakun e vdekjes së 59-vjeçarit.

 

Enver Sheshi 59 vjeç ishte arrestuar më 16 nëntor për inceneratorin e Fierit së bashku me 10 persona të tjerë mes tyre edhe biznesmeni Arben Dervishaj. Enver Sheshi ishte administrator i kompanisë ‘Leli-17’ sh.p.k.

Për inceneratorin  e Fierit u paguan 4 milionë euro për punë që nuk u kryen asnjëherë, ndërsa 60 milionë lekë është dëmi i shkaktuar në buxhetin e shtetit në skemën e mashtrimit. Gjykata e Posaçme me kërkesë të SPAK firmosi 11 urdhër-arreste, për inceneratorin e Fierit, 10 arrest në burg dhe 1 në arrest shtëpie. Për 5 prej tyre vendimi u ekzekutua, teksa 5 të tjerë janë jashtë territorit të vendit. Nga hetimet e SPAK rezultoi se janë pasqyruar shërbime që nuk janë kryer në vlerën e 4 milionë eurove, vlerë e paguar nga Autoriteti Kontraktor dhe e përfituar përmes mashtrimit nga shoqëria koncesionare “Integrated Technology Ëaste Treatment Fier” sh.p.k. 

SPAK konsideroi se të 11 të akuzuarit, 5 prej të cilëve të arrestuar, ekziston rreziku i ikjes pasi mund të dënohen nga veprat penale për të cilët dyshohen, dhe për këtë arsye argumentohet caktimi i arrestit me burg për ta.

Administratorë firmash private që kanë marrë pjesë në skemë:

Arbër Denizi       Administrator i PIVOT-04 (Në kërkim)

Juri Ymeraj          Administrator i kompanisë J.P.Y (Në kërkim)

Silvester Dreza   (Në kërkim)

Enver Sheshi      administrator i “Leli-17”sh.p.k (i arrestuar)

Robert Shabani   përfaqësues ligjor i 'Best Services” sh.p.k, (i arrestuar)

Regan Merdani    administrator i 'Froggy”sh.p.k, (i arrestuar)

Gentian Zifla, me administrator i 'Itneg”sh.p.k, (I arrestuar)

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore