Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

Vdekja e tregtarit të armëve në Tiranë/ Polonia vihet në lëvizje, kontakton qeverinë shqiptare për detajet e hetimit

Vdekja e tregtarit të armëve në Tiranë/ Polonia vihet

Pas ndarjes nga jeta në  Shqipëri, si pasojë e një arresti kardiak e tregtarit të armëve Andrzej Izdebski, qeveria polake ka hyrë në kontakt me qeverinë shqiptare për të mësuar për detajet e hetimit.

Kryeministri Polonisë Mateusz Moraëiecki në një konferencë për mediat u pyet për këtë çështje e kthyer tashmë në një mega-skanal pasi Andrzej Izdebski premtoi gjetjen e 1,241 respiratorë me vlerë 53 milion dollarë por nuk mundi ti sigurojë ato gjatë nisjes të pandemisë Covid19.


“Nga informacionet që unë kam zëvendës kryeministri është vënë në kontakt me qeverinë shqiptare. Kjo ka ardhur pas një kërkese të familjes. Jemi duke u konsultuar me palën shqiptare. Të gjitha informacionet që ngrinin dyshime janë ndarë me familjen e të ndjerit dhe qeverinë shqiptare“, shprehet kryeministri polak.

Kreu i qeverisë polake nuk dha detaje të tjera se çfarë bashkëpunimi ka kërkuar nga qeveria shqiptare, në një kohë kur raporti policisë së shtetit dhe autopsia mjeko-ligjore kanë mbërritur në përfundimin se kemi të bëjmë me një vdekje natyrale, transmeton TCH.

Sipas medias polake, 13 ditë pasi Andrzej Izdebski u gjet pa jetë trupi i tij u kthye në Poloni dhe familja vendosi ta kremojë pranë varrezave të qytetit Lodz. Tomorr Baruti administrator në pallatin ku jetonte me qira Andrzej Izdebski, i tha gazetës polake Fakt se “ në 20 Qershor, pasi nuk mundën të hapnin derën e apartamentit me çelës nga jashtë, hyri në atë banesë nga dritarja bashkë me një zjarr-fiks dhe e gjetën 73-vjeçarin të pajetë në krevat”. Andrzej Izdebski mori me vete në botën tjetër misterin se ku shkuan miliona dollarë që ai u parapagua prej qeverisë polake për blerjen e respiratorëve.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore