Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Vartësja e Xhaçkës padit gazetaren pas denoncimit të Shqip, Unioni: Akt i pastër presioni ndaj raportimit të lirë

E Martë 1 Dhjetor 2020, 14:11 Gazeta Shqip

Vartësja e Xhaçkës padit gazetaren pas denoncimit të

Unioni i Gazetarëve ka reaguar ndaj gjyqit që zyrtarja e lartë e ministrisë së Mbrojtjes, Belioza Çoku, me detyrën shefes së kabinetit të ministres Olta Xhaçka ka nisur ndaj gazetares Juli Ristani mbi artikullin denoncues mbi skandalin e manipulimit të bursave të NATO-s.

Në disa artikuj investigues “Shqip” jepte rastin konkret se si nuk doli fitues personi që konkurroi dhe pse fillimisht u rendit i pari si fitues, por që më pas u zhvendos me pretendimin absurd se vlerësimi nuk ishte përfundimtar.

Pikërisht bëhet fjalë për testimin e kryer Në datat 15-16 korrik 2020, u zhvillua në Tiranë, në Qendrën e Personel Rekrutimit, në varësi të Ministrisë së Mbrojtjes, konkursi për përzgjedhjen e kandidatëve, që do të ndjekin me bursë të plotë, studimet në Akademi Ushtarake, në Greqi.

Çoku nuk është ndalur me kaq, por ka paditur veç gazetares Ristani dhe Gazeta "SHqip".  “Unioni i Gazetarëve Shqiptarë po ndjek me shqetësim një proces të iniciuar nga Shefja e Kabinetit të Ministrit të Mbrojtjes, zonja Belioza Çoku ndaj gazetares së njohur Juli Ristani (Mezini) për shkak të publikimit të një shkrimi me titull “Rasti “Gaçeni” dhe skandali me manipulimin e bursave të NATO-s”, nga Gazeta Shqip dhe Bold News”, deklaron Unioni.

Vartësja e Xhaçkës padit gazetaren pas denoncimit të

Unioni në reagimin e tij shprehet se gazetarja gjatë ushtrimit të detyrës së saj është përballur edhe me presione të hapura.

“Në përballje me vështirësitë e prononcimeve të munguara zyrtare dhe problemeve të hasura për vënien në dispozicion të dokumentacionit dhe informacionit rreth procedurave dhe kritereve të ndjekura në rastin e aplikimit të bursave të NATO-s nga përfaqësuesit e administratës së Ministrisë së Mbrojtjes, ajo i është drejtuar përmes redaksisë së Shtyp-it me një shkresë për ndërhyrje edhe Komisionerit për të Drejtën për Informim. Ndërkohë që përgjatë procesit të mbledhjes të të dhënave dhe prononcimeve zyrtare, gazetares i janë dashur gati tre muaj pritje dhe durim, ç’ka bie ndesh me afatet ligjore të parashikuara në legjislacionin shqiptar”, thuhet më tej në këtë deklaratë.

Gjithashtu bëhet e ditur se shqetësim përbën edhe fakti se Shërbim sekret ushtarak po heton për mënyrën se si është nxjerrë ky informacion.

“UGSH e denoncon këtë padi si një akt të pastër presioni ndaj raportimit të lirë, ndaj pengesave dhe vështirësive për respektimin e ligjit për të drejtën për informim dhe cungimit të transparencës publike prej administratës publike, përfshi edhe atë të Mbrojtjes”, thuhet në deklaratë.

Deklaratë e Unionit të Gazetarëve Shqiptarë

Kundër padisë së shefes së Kabinetit të Ministrit të Mbrojtjes ndaj gazetares Juli Ristani dhe dy mediave

Tiranë më 1 12.2020

Unioni i Gazetarëve Shqiptarë po ndjek me shqetësim një proces të iniciuar nga Shefja e Kabinetit të Ministrit të Mbrojtjes, zonja Belioza Çoku ndaj gazetares së njohur Juli Ristani (Mezini) për shkak të publikimit të një shkrimi me titull “Rasti “Gaçeni” dhe skandali me manipulimin e bursave të NATO-s”, nga Ministria e Mbrojtjes, i publikuar më 6 gusht e në vazhdim nga gazeta Shqip dhe Boldneës.com

Qysh prej botimit të shkrimit nga gazetarja me përvojë të gjatë dhe kontribuuese në gazetarinë e raportimit dhe atë të investigimit, reagimet e zyrtarëve të Ministrisë së Mbrojtjes dhe vënia në lëvizje e gjykatës përmes padisë, përbëjnë një akt intimidues dhe presioni mbi raportimin e lirë të gazetares dhe mediave të përfshira në këtë publikim.

Gazetarja Juli Ristani për përgatitjen e këtij raportimi është ndeshur me vështirësi dhe pengesa të shumta deri edhe me presione të hapura. Në përballje me vështirësitë e prononcimeve të munguara zyrtare dhe problemeve të hasura për vënien në dispozicion të dokumentacionit dhe informacionit rreth procedurave dhe kritereve të ndjekura në rastin e aplikimit të bursave të NATO-s nga përfaqësuesit e administratës së Ministrisë së Mbrojtjes, ajo i është drejtuar përmes redaksisë së Shtyp-it me një shkresë për ndërhyrje edhe Komisionerit për të Drejtën për Informim.

Ndërkohë që përgjatë procesit të mbledhjes të të dhënave dhe prononcimeve zyrtare, gazetares i janë dashur gati tre muaj pritje dhe durim, ç’ka bie ndesh me afatet ligjore të parashikuara në legjislacionin shqiptar.

Unioni i Gazetarëve Shqiptarë mëson se në fund të muajit nëntor të vitit 2020, në adresë të gazetares Juli Ristani dhe dy mediave Shqip dhe Boldneës.com, vjen thirrja e gjykatës për vënien nën padi nga zyrtarja e Ministrisë së Mbrojtjes, e cila kërkon dëmshpërblim.

Unioni i Gazetarëve Shqiptarë shpreh keqardhjen se në këtë proces është përfshirë edhe Agjencia e Inteligjencës së Shërbimit të Mbrojtjes, jo për të hetuar përgjegjësit, por se si “rrodhi” dokumenti, të cilin gazetarja e ka bërë pjesë të raportimit të thelluar të rastit.

UGSH e denoncon këtë padi si një akt të pastër presioni ndaj raportimit të lirë, ndaj pengesave dhe vështirësive për respektimin e ligjit për të drejtën për informim dhe cungimit të transparencës publike prej administratës publike, përfshi edhe atë të Mbrojtjes.

Unioni i Gazetarëve Shqiptarë deklaron se do ta ndjekë me përparësi këtë proces gjyqësor të iniciuar nga zyrtarja në fjalë, ndaj një gazetareje profesioniste dhe se e konsideron këtë një proces që cenon rëndë imazhin e marrëdhënieve mes gazetarëve, mediave dhe nëpunësisë së administratës publike të vendit.

Zyra e Shtypit/ Unioni i Gazetarëve Shqiptarë

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore