Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Trazirat dhe arrestimet në Prishtinë, një “kronikë e paralajmëruar”

Trazirat dhe arrestimet në Prishtinë, një “kronikë e

Rrëmuja që ndodhi sot në Prishtinë ku EULEX arrestoi dy krerët e Organizatës së Veteranëve të Luftës së Kosovës, ishte e pritshme.

Para pak ditësh kemi shkruar se trilleri i çuditshëm me të ashtuquajturat dosje të Hagës që mbërritën me thasë në zyrat e OVL në Prishtinë, vetëm dëm do t’i bëjë si veteranëve ashtu edhe vetë të akuzuarve të UÇK-së nga Gjukata Speciale.

Dy krerët e OVL: Hynsni Gucati e Nasim Haradinaj janë arrestuar dhe dërguar në Hagë. Prokuroria Speciale nuk ka dhënë asnjë shpjegim për këto prangosje, por sipas gjasave ata do të pyeten dhe procedohen për pengimin e hetimeve ndaj krerëve të UÇK-së. Loja e sjelljes misterioze të dosjeve ka shkaktuar trazirë dhe është konsideruar nga Prokuroria Speciale si një akt që po dëmtonte hetimet.

Këtë e ka pohuar edhe vetë ish-kryeministri Ramush Haradinaj, i cili e ka konsideruar lojën e dosjeve si të dëmshme për Kosovën.

“E ritheksoj qëndrimin tim, se publikimi i dosjeve të Gjykatës Speciale ka qenë i gabuar dhe se do ta dëmtojë më së shumti shtetin tonë, përfshirë edhe vet të akuzuarit. Tentimi për të krijuar imazhin se Kosova është e mobilizuar ta pengojë drejtësinë është i gabuar. Ne nuk kemi qenë e as nuk jemi në anën e kundërt të drejtësisë”, ka shkruar Haradinaj në Facebook.

E në fakt, Ramushi ka të drejtë në arsyetimin e tij, pasi kushdo që e ka kurdisur këtë lojë, përveç një manovre protagonizmi, ka dëmtuar edhe vetë veteranët, të cilët janë përgjithësisht luftëtarë të shquar në luftë dhe nuk kanë pse përdoren në lojrat politike.

Edhe nëse Haga ka nisur një proces jo me fakte, do të jetë koha dhe vetëm procesi që do ta tregojë. Veprime si trilleri me dosjet, thjesht sa mund të krijojnë një mjergull, e cila edhe nëse krijon efekt spektakli, në brendësi vetëm do të komplikojë situatën. Gjykata Speciale është një institucion i Kosovës, i miratuar nga Kuvendi i Kosovës dhe çdo proces i saj, thjesht duhet të respektohet si në një shtet normal.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore