Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

"Të vdekurit e bashkisë…"/ Rama sulmon hapur Dritan Lelin në Vlorë, pas refuzimit për të kandiduar për deputet

"Të vdekurit e bashkisë…"/ Rama sulmon hapur Dritan

Refuzimi i Dritan Lelit për të hequr dorë nga drejtimi i Bashkisë së Vlorës për të kandiduar për deputet nën siglën e PS në zgjedhjet parlamentare të 25 prillit, duket se ka shkaktuar krisje të thellë dhe të pariparueshme me kryeministrin Edi Rama.

Shefi i qeverisë ishte sot në qytetin bregdar, ku edhe u zgjodh deputet, për të inspektuar punimet për projektin Lungomare2. Ndryshe nga herët e tjera, Rama nuk shoqërohej nga kryebashkiaku i PS.

Teksa po ecte përgjatë shëtitores, kryeministri pyet përfaqësuesin e firmës lidhur më ndërtimin e një fushe basketbolli dhe disa investime të tjera, që duhen përfunduar para nisjes së sezonit turistik.

Në këtë moment, shefi i qeverisë sulmoi hapur kryebashkiakun Leli dhe punonjësit e tij, duke i quajtur “të vdekur”, ndërsa këshillon drejtuesin e firmës të mos presë udhëzimet e bashkisë, por të vijojë intensivisht i pavarur punën.

“Ta bëjmë ta mbarojmë, sepse, të presësh të vdekurit e bashkisë…”, shprehet ndër të tjera Rama, duke konfirmuar kështu humbjen e besimit dhe krisjen me të zgjedhurin e PS.

Kujtojmë se Dritan Leli është shkarkuar nga funksionet që mbante në strukturat drejtuese të Partisë Socialiste të Vlorës. Vendimi për sharkimin e tij është marrë vetëm pak ditë pasi Leli rezuzoi të jepte dorëheqjen si kryetar bashkie dhe t’i bashkohej listës së kandidatëve socialistë për qarkun e Vlorës.

Pavarësisht moskandidimit të Lelit, PS në Vlorë arriti objektivin e saj, duke fituar 8 mandate. Sipas të dhënave zyrtare, PS në Vlorë mori 59023 vota, kundrejt 32128 të grumbulluara nga PD./Gazeta SHQIP

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore