Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Shqip denoncoi skandalin me bursat e NATO-s, nis hetimi i Shërbimit Informativ Ushtarak

E Diel 9 Gusht 2020, 16:58 Gazeta Shqip

Shqip denoncoi skandalin me bursat e NATO-s, nis hetimi i Shërbimit

Gazeta “Shqip” disa ditë më parë publikoi skandalin me vlerësimin e studentëve që përfitojnë nga bursa e NATO-s. Në  artikullin e publikuar u faktua manipulimi i bërë, nga ana e Ministrisë së Mbrojtjes, të listave sa i takon renditjes së fituesve të bursave të studimit, në Akademitë Ushtarake Greke, si pjesë e NATO-s.

Bëhet fjalë për testimin e kryer 15-16 korrik 2020, që u zhvillua në Tiranë, në Qendrën e Personel Rekrutimit, në varësi të Ministrisë së Mbrojtjes, konkursi për përzgjedhjen e kandidatëve, që do të ndjekin me bursë të plotë, studimet në këtë Akademi.

Fillimisht nga testimi fitues sipas listës në vend të parë, për degën Mjekësi Ushtarake, i pari u rendit Aldo Bledar Graceni. Por më pas ky vlerësim u ndryshua me urdhër nga lart.  Pasi u përpunuan të dhënat në Ministrinë e Mbrojtjes, vendin e Aldo Gracenit e zë një tjetër konkurrent, me 14 pikë më pak dhe që në listëmeritën e dalë nga Qendra e Personel Rekrutimit renditej i katërti.

Familjarët e Gracenit e denoncuan një akt të tillë, madje siguruan dhe mesazhe ku faktohej se i kishin premtuar shefes se e kishin rregulluar listën e fituesve.

Në të thuhet: "Shefe,  vërtet që Aldo Graceni është fitues, por ne vendosëm të llogarisim notat e Kimisë, Biologjisë dhe lëndës me zgjedhje të gjimnazit".

Gazeta “Shqip” ka mësuar se pas këtij skandali, shërbimi sekret ushtarak ka nisur hetimet për këtë denoncim që duket se ka shqetësuar edhe ndërkombëtarët, pasi familjarët e Aldo Gracenit kanë vënë në dijeni edhe atasheun ushtarak në Ambasadën e Greqisë në Tiranë, si dhe baza ushtarake e NATO-s.

Pikërisht Shërbimi Informativ Ushtarak sipas burimeve të Gazeta “Shqip” është vënë menjëherë në lëvizje pas këtij skandali që ngre dyshime të forta për mënyrën e testimit.


©Copyright Gazeta Shqip
Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore