Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

PROFIL / Bujar Nishani, nga ish-ushtarak në student në Kaliforni, shkallët drejt Presidencës

E Shtunë 28 Maj 2022, 19:33 Gazeta Shqip

PROFIL / Bujar Nishani, nga ish-ushtarak në student në Kaliforni,

Ditën e sotme u shua në moshën 56-vjeçare ish-Presidenti i Shqipërisë Bujar Nishani. Nishani ishte presidenti i 6 i Shqipërisë pas rënies së komunizmit.

Ish-presidenti u kurua fillimisht në spitalin Shefqet Ndroqi në Tiranë dhe më pas u transferua në një spital në Gjermani për një kurim më të specializuar, ku edhe ndërroi jetë. Nishani vuante nga pneumonia bilaterale me insuficience respiratore, gjendje e cila u përkeqësua pas infektimit nga Covid-19. Sipas mjekëve, pas transportimit në spitalin gjerman, ish-presidenti ra në gjendje kome ku edhe pësoi vdekje të trurit, situatë e pakthyeshme shëndetësore për ish-presidentin.

Por kush ishte Bujar Nishani?

Nishani lindi më 29 shtator 1966 në qytetin e Durrësit. Studimet e larta i kreu në Akademinë Ushtarake “Skënderbej” në Tiranë, ndërsa ato pasuniversitare në Kaliforni për “Menaxhimin e Resurseve të Mbrojtjes”.
Gjithashtu studioi në Fakultetin e Drejtësisë në universitetin e Tiranës, ku u diplomua si jurist në vitin 2004. Karrierën profesionale e nisi si pedagog në Akademinë Ushtarake “Skënderbej” në vitin 1988.

Më pas, në vitin 1993 punoi në drejtorinë për Marrëdhëniet me Jashtë në Ministrinë e Mbrojtjes, duke vazhduar në vitin 1994 në ministrinë e Jashtme në drejtorinë e Marrëdhënieve me NATO-n.

Nishani rikthehet në vitin 1996 në Kabinetin e Ministrit të Mbrojtjes. Në vitin 1997 kthehet në profesion të lirë si Kryetar i Forumit të Ushtarakëve Euro-Atlantikë.

Karriera politike

Karriera politike e zotit Bujar Nishani ka kaluar nëpër këto etapa: në vitin 1991 anëtarësohet në Partinë Demokratike; në vitin 2001 zgjidhet Sekretar i Degës së Partisë Demokratike për Tiranën; në vitin 2003 zgjidhet anëtar i Këshillit Bashkiak të Bashkisë Tiranë nga lista e Partisë Demokratike; në vitin 2005, zgjidhet anëtar i Këshillit Kombëtar të Partisë Demokratike dhe më pas anëtar i Kryesisë Qendrore të kësaj partie.

Nga marsi 2007-shtator 2009 mbajti portofolin e Ministrit të Brendshëm, nga shtatori 2009-prill 2011 kreu detyrën e Ministrit të Drejtësisë; për t’u rikthyer përsëri në prill të vitit 2011 si Ministër i Brendshëm, deri në qershor të vitit 2012, kohë kur Kuvendi i Shqipërisë e zgjodhi në detyrën e Kreut të Shtetit në raundin e katërt me 73 vota pro dhe 1 votë kundër. Në 24 korrik 2012, Bujar Nishani betohet në Kuvendin e Shqipërisë si President i Republikës.

Bujar Nishani ishte bashkëshort i Odeta Nishanit dhe baba i dy fëmijëve, Ersi dhe Fjona Nishani.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore